السلام عليكم
الصراحة كنت اتمنى انه التصريح يكون فيه مصداقية لو قليله على الأقل قولوا انه فعلا كان في عجز وبسبب المسج الي وصلنا عن طريق البلاك بيري سدينا العجز لانه مصرح فوق بالتالي "
كما تم سد عجز الاحتياجات عن طريق توفير أمري شراء بقيمة 20.000 درهم لسد الاحتياجات الضرورية والملحة.
خلاص الشعب صار شعب واعي وفاهم وعاقل والعجز كان فعلا موجود لاني شخصيا من الناس الي من سنوات اتبرعلهم بهذي الاحتياجات من شدة النقص الي عندهم ويوم وصلني الخبر فرحت انه في احد غيري يزورهم ومنتبه على هالنقطة. ومن جهه اخرى الدولة ولله الحمد وفرت لهم احسن الاجهزه والاطباء والنيرسات وكذلك البرامج التي يقوم بها دار العجزه لاسعاد كبار السن ممتازه جدا واهم شي المبنى والذي فعلا يشهد بأهتمام الدولة فيهم والنظافة الدائمة التي يشهدها المبنى الواحد فعلا يشكر الدولة على اهتمامها بهم وتوفير سبل الراحة والرعاية لهم.
- وبالنسبة لمبلغ 400000 الذي صرح فيه في التقرير لماذا بوجود هذا المبلغ الضخم يوجد عجز في الامور الاساسية لهم ؟
- ولماذا تم انكار الامر انه في عجز باتصال الناس لهم ؟ بالعكس في نظري كانت فرصه انه الناس يزورون كبار السن ويونسونهم ويسولفون معاهم ويغيرولهم الجو وخاصه انه هذا المكان منعزل ويفتقر للزيارات الكثير وترا الفرحة في وجوه حتى عمال النظافه او الممرضات عند قدوم أي زائر.
- وبالعقل بما انه يوجد عجز في الأدوية في مستشفيات رأس الخيمة يعني ما بكون في عجز لهذه الأمور الأساسية ؟
ومع احترامي للجميع وشكر خاص لصاحب المسج الي فعلا اهتم بطريقته الخاصه وجعل الأهالي يصحون انه في "دار عجزة " عندنا ومحتاج اهتمام من اهل البلاد لانه الدولة ادت واجبها وباقي واجب الشعب تجاههم .
وجهة نظر وأرجو عرضها وعدم حذفها
رد مع اقتباس