مسلسل: ( نجوم الرمس.نت )

[بو مشاري]

تغطية عرس..!

العضـو: RAKBOY783





راك بوي قاعد مرتاح ع المنتدى وياه اتصال::::

راك بوي: آلو السلام عليكم

الريال: وعليكم السلام..كيف حالك أخويه..طالبينك طلبة يوم الخميس الياي..تجمل تجمل أخوي تغطية عرس ولد عمي..

راك بوي: خير إن شاء الله.وين بيكون العرس.

ولد عم المعرس: صالة شمل تندلها لاه..دوم أشووفك تصور هناك..

بس نباك تركز زين في الصور..بيحضر الشيخ محمد بن سعود صوره عدل.

وبعد صور الفرقة هذي الفرقة ياية من عمان ..!

راك بوي: خير إن شاء الله.بس التغطية بفلوس..!

ولد عم المعرس: تفداك بويه الفلوس.كم تاخذ.!؟

راك بوي: 500 درهم

ولد عم المعرس: خير واصل أخويه نبغيك من العصر هناك..

راك بوي: شو أسوي العصر،،!؟؟ أنا أحضر بعد المغرب أصور..

ولد عم المعرس: علشان تصور الفرقة يوم تحضر العصر..واليويلة والرزيف والطبول..!

راك بوي: بجوف يمكن أحضر العصر إذا ما عندي تغطية..!!




ليلـة العرس..!!

( يا معيريس عين الله تراك..والقمر والنجوم تمشي وراك..)


راك بوي حضر العصر حليله هو وربيعته الكاميرا..!!

دش داخل القاعة..

مرحبا مرحبا بو حمدان..أنا بو المعرس..

تفضل حياك الله أخوي..

راك بوي: الله يحيي أصلك قلت خاطف بصور العصر...!!!!

واحد ثاني يزاعق: البخيتي وصل..تعال الله يخليك صور المعرس داخل ..

أخو المعرس: يا بوك خلنا ندخنه أوله ونعطره الناس بتزحمنا عقب..

ما عليك أمارة البخيتي لو تيود المدخن شوي..

سامحنا عاد..ثقلنا عليك..

راك بوي ميود المدخن وعلى أعصابه..!!

دخنوا المعرس وصوروه..

ألحين أخوي بنتويه برع بنصور طبول ..

عاد لا تنسى فيديو وصور..

أقولك صور ولد عمي المتين على اليسار..أيوه هذا بو غترة حمرا..!!







صار العشا...

حضور الشيخ محمد بن سعود..

الناس متزاحمة ع الشيخ..وخروا عنه خلوه يصور،،

خلوا البخيتي يصور الشيخ..!!

مرحبا بالشيخ مرحبا بالشيخ ..

الله يبارك فيك ..تفضل طويل العمر..

ولد عم المعرس: راك بوي أخوي صور زين ألحين ركز على الأهل مع الشيخ..والمعرس بعد..

وبعد شوي بنسير نصور الرزيف...







تصوير الرزيف..


أقولك بيقولون شلة في منتدى الرمس..نبا فيديو..

عطه الشاره خله يبدا.

البخيتي: جاهز..

الشاعر: ( موقع الرمس مشهوري يوم ليواد ينصونه..!)

والفرقة تردد..

تعال أخوي صور هاليويلة عيال عمنا قوم الخنبولي..

ومناك بعد لا تنساهم ..

كلهم مر عليهم صورهم لا تنسى حد الله يخليك بيزعلون إذا صورهم ما طلعت بالمنتدى..!

ولد العم تعال اتصور منتدى الرمس يصور..!!

والثاني يصيح: صور ولدي ويه الشيخ الله يخليك..!

والثالث يصيح: صور الشاعر هذا خنبولي ولد عمنا هو كاتب الكلمات..

وبعد شوي بترزف فرقة المقابيل مال عمان..

حيا الله الشاعر المقبالي ..تعال بيصورك البخيتي..بتطلع في الكمبيوتر.

عاد يوم يتعشون لا تنسى بعد يا أحمد البخيتي..

راك بوي: مو لازم واايد مصور اليوم.

الله يطول بعمرك كم من صوره حلوة داخل الصالة..اتفضل أخوي وياهم تعشى وصور..زخ بطنك عدل..! وبعدين بنصور المعرس مرة ثانية..!!




وهذي صورة للذكرى مع العشا,..!

وبعد ما طلعوا روحي في التصوير..تصورت ويه المعرس وأنا أحس عمري راسي بينفجر..شو يابني العصر قص علي ولد عم المعرس..!

ما تسوى علي ال 500 بعد عوار الراس بسير البيت أحمل الصور والفيديو..!!

والله حالة..!!!

هذي صورتي ويه المعرس..مبين من شكلي تعباااااااااااااااااان..

ودامت دياركم عامرة بالأفراح والمسرات.!

لطلب تصوير الأفراح: يرجى إرسال رسالة ع الخاص..!!







أتمنى تكون الحلقة خفيفة عليكم وعجبتكم..!

ولا تنسون...

بو مشاري يسلم عليكم..

ويقولكم أي تلفزيون..الحلقات مكتوبة.. !

تابعونا يوميا..!

[رذاذ عبدالله]

شكـرا لحلقة العضو أحمد البخيتي..
قد تحدث في الأعراس..!!!
الله يعطيك العافية في كتابة الحلقات الجميلة،
ومبروك عليك شهر رمضان..
كـن بخير،

[الأميرة الحسناء]

تسلم راك بوي على التغطيه
ماشاء الله بالتوفيق دائماً الله يديم الخير والافراح والمسرات للجميع ..

منورين الحدث ..

مع خالص تحياتي لك من اعطى من وقته ونتج الابداع والتميز ...

[سفير برتبة وزير]

تسلم بو مشاري
الصراحه
هذي احلى قصه لحد الحين
ونتريا اليديد
تحيااااااااااااااااااااااااااااتي

[إمـرأه لا تُنسـى]

مسا النور ،،

*.* سالفة البقر ما أقدر أعلق ع الصور لإني صج منقهره من اللي سوه هاك اليوم ،،

و نسـوا الرفق بالحيـــوان ،،


قصتك حلوه و ممتعه بنفس الوقــت ..

أما بالنسبه لإمرأه لا تنسـى ..

فديت صديقتي الصدوقــه ههه ،،

كشــــــــــــــــــــخه طريقتك فالكتابه ،، و فكرتك و تسلســل الأحداث ..

ما شاء الله .. اللهم لا حســــــد ..

تسلم و بانتظار باقي الحلقات

حبيبتي انتي والله

[إمـرأه لا تُنسـى]

هههههههههههههههههههههههههههههههههههههه

امرآه لا تنسى >>>> شحااالج يدووووه >>> عزيزيه وغاااليه والله


عجيب بو مشاري تسلم

عساها دوم هالضحكة يارب يالغلا


يدوه ...هاه ؟


سويت لنا سالفة بو مشاري الله يسامحك



بس الصراحة

[إمـرأه لا تُنسـى]

[align=center].. ههههههههههههههههه ..[/align][align=center]

.. انآآ مآآكنت فآآهمه سآآلفه الموضوع فـ البدآآيه ..

.. يوم قـــريت القصــه اللي كآآتبنهآآ بو مشآآري تذكرت انه امرأهـ لـآ تنسى كآآتبه شرآآت هالموضوع و شفت وآآيد اختلـآفآآت ..

.. استغــــربت وآآيـــــد ، و استغـــربت انه كآآتب 50 سنـــه ..

.. قلت معقووولـــه امرأه لـآ تنسى عمرهآآ فوق الـ 50 سنــه هههههههههههه ..

.. عقب استوعبــــت السآآلفـــه يوم شرحتلـــي الـاخت شمعه الرمس سآلفه الموضوع ..


.. ابــدعت اخووي بو مشآآري فـ الكتـآآبــه ..

.. نترقب تكمله المسلسل ..[/align]

شفتي كيف قلب موضوعي الى موضوع فكاهي ..



مبدع الصراحة

[إمـرأه لا تُنسـى]

بو مشاري
صرااااااااااااااااحه
جبت عاليه واطيه
على اختن امراة لا تنسى

مستانس الاخ

[إمـرأه لا تُنسـى]

هههههههههههههههههههههههههههههههههههههههههه

مسلسل فكاااااهي و أحداثه جداا جميله ومضحكه خخخ

بخصوص إلي عمرهم 50 سنه وعندهم عكاااز>> ترااهم بعز شبابهم ونضجهم ..
يعني بعدهم كاشخين بـ ضرووسهم هههههههههههههههههه


تسلم ياااااااااااااخوووويه ع السرد الفكااهي الجميل ,,
لا هنت ونترياااااااااااا البقييييييييييييهـ ,, ^___^ !!^

تسلمين حياتي


محد فاهمني غيرج .. والا البقية يبالهم هذا


هههه

[إمـرأه لا تُنسـى]

اختي امرا لا تنسى ها المسلسل متى يطلع دخيلكم ردولي خبر او اي وحدة من المنتدى الرمس اعظائة

حياتي ..

المسلسل كتابي في المنتدى في هالموضوع من عند الاخ مشاري


تخيلي عاد اسوي مسلسل انا