بشرى سارة لجميع محبي استعراض السيارات في بمنطقة عوافي السياحية

[عوافي2011]

بشرى سارة لمحبي استعراض السيارات بمنطقة عوافي السياحية

بتوجيهات الشيخ/ محمد بن كايد القاسمي وبمتابعة المنسق العام لمهرجان عوافي الاخ/ فيصل مطر وباشراف رجل الاعمال عبدالله شاهين تمت الموافقة اليوم في استراحة عبدالله شاهين عن انشاء حلبة عوافي بمنطقة عوافي السياحية بجانب التل القديم ( صفصوف ) والمتوقع البدء فيها بعد عيد الفطر السعيد وسنوافيكم بكل ماهو جديد في جميع المنتديات الرياضية

[Just_me]

شي حلو وجميل والله

لكن احس المكان ها بكون اصعب عن قبل بخصوص مالكي الصالون

وشكرا على الموضوع

[وادي الخليج]

في الفترة الاخيرة انزعجت الناس مما حصل في عوافي بسبب ازالة الحلبة لاكن الان ان شاء الله سيكون شيء مرتب وممتاز أفضل من السابق

[RAKBOY783]

بالتوفيق

[مايد راك]

شي طيب و الواحد برأس الخيمة ما يعرف وين يدق براسه على الأقل يوم فيه مسابقات و برامج للشباب ساعتها الواحد يقدر يروح يغير جو مب قهاوي و حواطه !!
بس ليش عوافي تمت فيها بقعة الواحد يقدر يحس أنه في البر مب كلها شوارع !!
و نتمنى كل جديد و حلو و مشجع لأهالي راك الطيبيين و للضيوف الكرام و السموحة

[راك راك]

[align=center]
احلى خبر اقراه اليوم

بصراحة اشكر الشيخ محمد بن كايد واشكر فيصل مطر واشكر عبدالله شاهين لاهتمامهم لهذه الهواية

تعودنا على عوافي من 7 سنوات والشباب يستعرضون في عوافي وان شاء الله الى الامام دوما
[/align]

[lexus]

الصراحه مايقصرون شيوخنا وخاصة في الشباب

[TOY STORY]

خشمك يالحبيب على هالخبر التماااام .. ومشكورين شيوخنا على هذا القرار .. ونحن عيالكم ونستاهل عيديتكم .. وبدال التهور بين الفرجان والبقع .. حلبه مخصصه للي يدور الوناسه .. وتحياتي لكم .. وملتقانا بالحلبه ..

[بياض الروح]

والله شبابنا بحاجه لها الاشياء بسبب الملل والفراغ إلي يحسون فيه .. وبيستانسون وايد لأنهم يموتون ف هالسوالف ... الله يحفظهم يارب ويوفقهم .. وطبعا نشكر كل من ساهم بمشروع هالحلبه ..والشكر لمن كتب هالخبر وفرح الشباب ..

[TOY STORY]

اوب .. وستوب .. شلتنا النشوه ونسيت أنشد .. دخيلكم مانبغي الموضوع ينقلب بزنس حامي .. الدشه مادري بكم .. والفرجه مادري بعد بكم .. وممنوع التصوير إلا لربعهم .. والقرارات البلاليطيه اللي استوت آخر ايام الحلبه القديمه .. أنا أتمنى الحلبه تسويها الحكومه وماتنعطى لحد .. منعاً للمذله والتحكم القاهر .. بليز حكومتنا رادين الشان فيج .. مالنا غنى عنكم .. ومحد يبيع ويشتري بسعادة عياله .