السلام عليكم
انا حلمتة يوم وقفة العيد حلم من الساعة 8 ونص لغايت 9 الصبح غفوت نص ساعة لانى كنت عايزة اصحى زوجى للدوام
حلمت ان ماما ربنا يبارك فيها اتوفت فاحنا رحنا ع غرفة كدة عشان اعتقد الغسل وكانت بنت عمتى هى متدينة عمالة تقرا عليها ادعية بس بلهجة غريبة شوية يعنى زى العفاسى لما بيقرا القران بلهجات مختلفة وانا ابكى وكانت متغطية بحاجة ع شكل مصلية عندى المهم انا عمالة ابكى واقول يارتنى ياماما مازعلتك ياريتنى لما كنتى تنامى جمبى بدايق معلشى لانى فعلا ماما بتلزق فيا وهى نايمة وانا مبحبش كدة
وبعدين معرفش الستات اللى معايا راحوا زى غرفة تانية قدام الغرفة اللى فيها الغسل وانا بس كنت مع ماما وفجاءة لاقيت ماما وشها نور وبقت جميلة وبيضا والغرفة اتنضفت معرفش ازاى والدهان بتاع الحيطة بقى لبنى جميل وزى مايكون لسة مدهون انا رحت مزغرطة وقمت ااقول يلا ندفن ماما دلوقتى انا اتطمنت عليها وطلعت عشان ااقولهم وبنادى ع واحدة صاحبتى كانت قاعدة مع الناس اسمها دينا بس كان صوتى رايح والناس جت فعلا وشافت اللى انا شفتة وبعدين معرفش لاقيتنى ماسكة عيل اللى هو مفروض انة ماما وبتشهاد علية واقول اشهد ان لا اله الا الله محمد رسول الله وواحدة ست جت رابطة ايشارب كدة وربطتة ع فم العيل الصغير دة عشان نتاكد انة اتوفى فعلا يعنى ف الحلم مكنتش حاجة غريبة والعيل دة ضحك ضحكة جميلة
وبعدين تم الغسل والغرفة كانوا غاسلينها بحاجة بيضاء زى رغاوى الشامبو كدة بس الراجل قال الغرفة لازم تتنضف من الشعر الواقع دة لان كدة يعنى زى مايكون البلاعة هتتسد فانا جمعتة ع جانب وبابا لما جة قالى ناخد الشعر ذكرى قلتلة والله يابابا انا اخاف بس انا فرحانة بماما ومطمنة عليها اوى بس خدنا الشعر
الشعر دة وقع منها وهما بيغسلوها كان طبعا شعر كتير ومنة اسود ومنة ابيض
طيب ملحوظة عشان معرفش اية اللى جاب سيرة دينا صحبتى هى مامتها متوفية السنة اللى فاتت ومتجوزة بقالها سنة ولسة محصلش حمل
وانا متجوزة وعندى بنتين وحامل وبنت رابعة بس قاعدة مع ماما ف مصر لانها كانت من جواز قبل جوزى دة
طيب هل الحلم لية معنى ولا عشان الوقت اللى حلمتة فية مينفعش
ياريت التفسير انا قمت مبسوطة جدا وقلت الحق اكتبة قبل مانسى وياريت التفسير انا بجد اول مرة ادخل القسم واكتب فية ياريت تطمنونى
ملحوظة تانية يوم العيد كنت بكلم واحدة صحبتى ف مصر فبسالها ع دينا قالت انها حامل ف تؤام من شهرين طبعا فرحت جدا وقلت انى حلمت بيها واتاكدت ان ربنا هيرزقها
ربنا يباركلك ابو فيصل
