أول يناير
عيش يا ديك
واظن هذي إحدى علامات الساعة للأسف الكلام سهل جدا لكن الفعل والإنجاز سلامتكم .....
لا تعليق
والله لو اهتمو بشارع النخيل مثل ما ذكرت أختنا الطيبة بدون قلب بعدين شو هالزحمة اللي يتكلمون عليها
الأولى دوار شارع الإمارات اللي هو مدخل لإماراتنا المفروض يسون تحفة معمارية لهالدوار مب كثبان رملية وكان الله بالسر عليما
شارع النخيل خنادق وحفر عسكرية مب شارع عافانا الله وإياكم يا جماعة تقول سبحان الله مشروع جبل بيطلع من هالشارع
توسعة الدوار اليديد اللي سووه من فترة اللي يوصلك للخران قادم من الظيت الشارع واسع وفجأة تحصل نفسك ملتصق ويا السيارة اللي حذالك والسبب ضيق وصغر الدوار
وبعدين شو سالفة هاي المطبات التحذيرية اللي باللون الأصفر يوم تمشي عليها جنه زلزال مستوي خضيتو معدتنا يا جماعة الخير
الاولى تصرفوا هالميزانية اللي حاطينها لبناء الجسر بعمل شارع منعزل ومنفصل للشاحنات ولا نشوف تاير واحد من الحجم الكبير في شوارعنا
والمفروض بعد بميزانية الجسر او خلنا من سالفة ميزانية الجسر تصرفو ميزاينة لتطوير الشوارع المرقعة بكتل إسمنية ومسلحة بعد واللي يجي من برع رأس الخيمة يوم يشوف خلاطة الخرسانة تصب في الشارع يقولون " أوووووه بيسون بيت شعبي هني" واااااو وهالكلام سمعته بنفسي من ربعنا اللي في دبي
بس يا جماعة الخير ..... يا ريتكم ما حطيتو هالخبر ..........
نعيش وناكل غيرها
قال شو بشهر يناير يكون خالص إذا جسر رأس الخيمة الرئيسي تم سنة ولا أزيد ما اتذكر والمصيبة كان صيانة مب بيخترعون لي الذرة ولا بيسون لنا شارع إضافي لا بس صيانة وتم سنة وعشنا المر والويل من الزحمة ولو صار حادث لا سمح الله تم بنالص ساعة ولا اكثر تمشي "تورى تورى" شوي شوي ولو كان الوضع متأزم تنزل من سيارتك تضرب لك شيشة على السريع او تسوي لك كم جلاس كرك للشباب .... أتذكر اني تعاهدت مع ابليس جان حسيت شي حادث هذيج الايام بنط من الجسر وبسبح ....
خلها على الله ..
رد مع اقتباس