مواطن يحمل «الدكتوراه» يبحث عن وظيفة منذ عامين ( صورة )

[البزي]

الحمد لله الخير وايد في البلاد ، والوظايف وايد ، والدولة ما مقصره بشي موليه ، البيوت وفرتها لنا ، والصحه الحمدلله موفرة ، والمعاشات ولا دول الخليج الثانية تقدر لها ، احمدوا الله وشكروه ، لا تزول النعمه عنا ، النعمه إذا محد حمدها وشكرها زواله ، والريال يقدر يشتغل ، لكن يبغي يحطونة مدير ولا مسؤول بدون خبرة ، وهذا ما يستوي ، ولا أكيد عنده شي ، اشمعنا سوو له مقابلات وشكثر وما قبلوه. ، أكيد عنده شي ، أو شافو فيه شي وما نقبل ، اللي أبغي أقوله ، الدوله ما مقصره ما مقصره ما مقصره ، الحمدلله ، واللي يعاديها ويخرب أمنها لازم ما بتقبله.

تسلم محمد على الرد الحلو

لكن بمشي وياك

اغلب المناصب في الدوله واسطه ولا تقولي بجدارتهم لانه الكلام هذا الكل يعرفه

ثاني شي الوضايف الحينه صارت بواسطه الدوله اشهد ما قصرت

لكن الي نطريه الي ماسكين تحت الحكومه والكلام هذا قلت في كلامي ودقق فيه

ما اضن اشيخ بي يختبر الناس ولا يسولهم مقابله توظيف الي بيقابلون الخلق

الي شغلتهم هذا الشي وتتوقع بيعينون واحد بعيد عنهم طبعا لا الجريب اول

او من له وياهم مصلحه وهذا الشي ريته بعيني يا اخويه انا ما اطري الدوله كحكومه

الكل يدري انه حكومتنا ماشي مثلها لكن اطري البطانه وهذا الشي الكل بعرفه

اما من ناحيت البيوت اسمحلي وايد مش محصلين من الي حاجتهم للبيوت اكثر من غيرهم

الحمدلله شيوخنا ما قصرو لكن اغلب البيوت انعطت لمنوه ولد فلان بن فلان ولد فلان بن فلان

الي عندهم بدل البيت بيتين تقدر تفسرلي هذا الشي ؟؟!! ولا تتوقع اناس معمايه الناس تشوف

الفساد الي يصير في الدوله وكل يوم نسمع ونقرى عن التجاوزات والاختلاسات واي واحد في

دائره حكوميه اساله بيقولك وكم من وزير طار بعد ما وصل الخبر لشوخنا الله يطول بعمارهم

لانهم ما يرضون بالظلم ارجو واتمنى انك فهمت مقصدي يا اخويه الكريم محمد واسعدني ردك علي ^_^

تحياتي لك اخوك البزي