العبدولي مات مخلّفاً حلماً بالوظيفة وأثاث منزل بالفجيرة (صورة)

[قطرة من الأمل]

ليس دفاعا عن الرومي ولكن كلمة حق أريد أن أقولها من المعلومات المتوفرة لي ومن مصادر ماكادة موثوقة.
بخصوص موضوع حسن العبدولي الريال كان يشتغل في الجيش وانهوا خدماته لهروبه من الخدمه وكانت عليه
قضايا وديون وانسجن والوزارة صرفت لعائلته مساعدة من فئة أسرة المسجون طول مدة سجنه بعدين طلع واستمرت الوزارة تعطيه مدة 6 أشهر حسب القانون لأن سنة صغير 30 سنه وقالوله دور لك عمل والوزارة بتسعى أدور لك لكن المشكله انه ماعنده اي مؤهلات علمية غير الاعدادي ومحد راضي يشغله بدون شهادة حسن سيرة وسلوك وقام وياب تقرير للوزارة بعجز صحي عشان يصرففون له مساعدة بس التقرير بين ان عنده عجز 40% سكر وضغط وماينطبق عليه المساعده وما وافق مدقق المالية !!..

وبالرغم من ذلك وافقت الوزيرة مريم الرومي بصرف المساعدة له والتي تبلغ قيمتها 15000 درهم نظرا لظروفه وعدم موافقة معظم الجهات بتعيينه بدون شهادة حسن سيره وسلوك .. وكان اخر معاش حصل عليه عن شهر اغسطس .. وتوقف صرف المساعده في شهر سبتمبر الحالي فقط .. وهذا اجراء دوري وقانوني كل ستة أشهر
حتى مراجعته للوزارة أو من ينوب عنه لتوقيع إقرار للحاله .. وهذا الاجراء متبع ومعمول به من معظم الدوائر التي تصرف معاشات او مساعدات .

لكن المرحوم العبدولي لم يراجع الوزارة حتى تاريخ 22 .. والمرحوم متزوج من روسيه ولديه 7 أبناء وجميع أبناءه مدخلنهم مدارس خاصة .. لماذا ؟؟؟؟؟؟؟
لماذا لم يلحقهم بمدارس الحكومة ويشتكي من الديون ؟

للأسف للأسف للأسف تم استغلال قضية العبدولي وهي حالة واحدة للمطالبة بإقالة الوزيرة مريم الرومي والتي
هي كموظفة في الحكومة تنفذ القانوووووون ..والتي هي محاسبة على تطبيقه وعدم اهدار المال العالم لحالات هي في حكم القانون لا تستحق .

هذي هي قصة العبدولي اذا هو الله يرحمه ويغفر له لم يفلح بايجاد عمل ليس ذنب الوزارة واذا لم يجد أثاث لمنزله الجديد ليس ذنب الوزارة . جميع الجهات التي طرق بابها للعمل قانون الموارد البشرية يفرض شهادة حسن سيرة وسلوك ليس ذنب الوزارة ومافي استثناء في القانون وديوان المحاسبة مايرحم وزير ولا غيره للعلم ..

الرجل عليه قضايا شيكات يطلع من وحده ويدخل وحده الوزارة ليست مسؤولة عن ديونه ومشاكله وقضاياه
لا أعلم لماذا يحملون مريم الرومي ذنب موته وبأنه مات من القهر الرجل باعتراف اهله انه يعاني من عدة جلطات ..

وأخيرا أرجع أقولكم يا شعب دولتنا الحبيبه قول الرسول عليه الصلاة والسلام
" كفى بالمرء كذبا أن يحدث بكل ما سمع "

تناهيـــد

أختي العزيزة تناهيد
لا يحق لنا أن نتدخل في حياة
العبدولي الشخصية
الرجل توفى
وهو الآن بين يدي ربه
فاذكروا محاسن موتاكم

[سرااب]

ياخوي من بو ظبي الي عايشين هم الي عندهم وااااسطه بس القبايل المعروفه اما الباقي الله يكون في عونهم الي عنده يزيدونه ولي ماعنده ضايع لانه ماعنده واسطه يظل يعيش في اجار لين مايموت هذا غيره واااايد مثل حالتنا 20سنه اباجار السبب ماعدنا واسطه الله يكون في عونا وايد مظلومين

[قطرة من الأمل]

سمعنا أن الشيخ محمد بن راشد
أقال مريم الرومي
أعتقد الخبر إشاعة

ولكن إن شاء الله تتحول إلى حقيقة بدعوة كل المظلومين

[تناهيـــد]

اختي الغاليه لا يحق لنا ان نتدخل في حياة العبدولي واذكروا محاسن موتاكم

كلام اكيد سليم وصحيح ... بس في نقاط لازم الكل كان يعرفها عيل شو ذنب الوزيره

من الكلام اللي ينقال يعني تتريونها تموت وعقب بتذكرون محاسنها ترى هالانسانه عندها قانون

و وزارة الماليه تحاسبها على كل كبيرة وصغيره ..

وأرجع اقوووووول مش دفاعا عنها صدقوووني لكن يحز بالخاطر هالتهويل فالموضوع وحصلتوها حجه

الحين الناس قامت ادخل مليون موضوع فموضوع العبدولي وبيزات الدولة رايحه برع الابلاد والاجانب وغيره

وبعد مايخلصون من هالكلام يرجعون يغلطون عليها هي شو يخصها فبيزات الدوله اللي تنصرف برع

اقل شي يفصلون بين المواضيع لكن للاسف حصلوها علثه .

وبالنهايه محد فيكم بحث وبأمانه فالموضوع ... اغلب الردود من الاخوان والخوات تبين انهم قروا العنوان

وكتبوا التعليق وهذا ابسط شي انهم مافكروا وتعبوا نفسهم يقرون التفاصيل

نحن شعب علينا بالظاهر محد يهتم للتفاصيل لكن لي متى ؟!




تناهيـــد

[تعب قلبي2088]

مع احترامي :

اقسم لكم يا اخواني انه خنقتني العبره لما شفت الموضوع ومعانات المواطن العبدولي رحمة الله عليه ليش هذا حالنا ليش هذا كله نحن الشعب اللي يتعاون ويتكاتف على التبرع للدول الاخرى وتوصل التبرعات لعشرات الملايين بس علشان الحكومه طلبت التبرعات والله يعلم وين تروح التبرعات هذي ليش طيب ما نتكاتف علشان نحمي مواطن راح ضحية صاحب منصب او مسوؤل من الغصه والتعب والارهاق لكي لا يذهب للحرام وفوق هذا مريض ولديه اسره مكونه من 9 افراد وين الحكومه عن هذا كله وليش لا يتم محاسبة كل مقصر واللي يقهر فالموضوع انه صحيفة امارات اليوم نشرت موضوع الريال ولا مبالي ولا شي هل يعقل ان يتشتت المواطن في بلده هل يعقل ان يبكي مواطن في بيته من الحسره والندم ليش وين شيوخنا وانني اناشهدهم من هنا كل راع مسؤول عن رعيته حرام عليكم اقسم لكم انه حرام يا اخوان هذا الانسان المواطن المريض الذي فيه ثلاث جلطات لا مبالي له وذياب عوانه رحمة الله عليه بس علشان هو لاعب كره تقوم الدنيا له وتقعد ليش يا اخوان ليش يا شيوخنا شو صاير فالدينا ولا علشان ذياب عوانه من امارة ابوظبي وهو مشهور وهذا المريض من الفجيره وعلشان هب معروف يا اخوان ليش العنصريه هذي نحن كلنا مواطنين ولا فرق بينا اول ما طلبت الحكومه التبرع للصومال كل الناس اتبرعت حتى الوافد ونحن بلدنا تعاون الزين والشين والمواطن مغلوب على امره لا شغل ولا بيت ولا علاج ولا شي ليش هذا كله نحن شو مسوين ترى الامارات مثل ما قال ابونا زايد رحمة الله عليه بلد كل انسان عايش عليها وين حق المواطن فيها طبعا ولا شي له كله مذله في مذله تبغي وظيفه حالك حل الكلب عزكم الله توقف مع الوافد وياليت لو تحصل وظيفه وتقدم على البيت ولا على الارض تنذل سنين علشان تطلع ويوم تطلع تنذل سنين علشان تحصل القرض ويوم عليك قرض تنذل عند مكاتب الشيوخ ذل علشان يدفعون عنك وياليت يدفعون بعد الا اذا دخلت السجن يدفعون عنك بس ليش ادمرون الاسر الاماراتيه نحن شو مسوين لا ظلمنا وافد ولا غلطان على حد ليش يصير فينا هذا كله ليش علشان نحن مواطنين ما اريد حد يقول الحمدلله امورنا طيبه لا اخوي قول امور الزلمات طيبه اللي عنهم الحقد والكذب والنفاق والمجاملات وبيع خواتهم اما المواطن الحمدلله محشوم وبنعيش في بلادنا مذلولين ونحن راضين الحمدلله مدام هي بلادي ما اقول غير لا حول ولا قوة الا بالله .

يا اخوان اليوم العبدولي وباجر غيره اتمنى من الاخوان انه نتعاون في يوم وفي وقت صلاة من الصلوا ت الخمس وندعي دعوة مظلوم على كل من ظلم العبدولي وقصر في حقه علشان اذا محد قدر يا خذ حقه الله سبحانه وتعالى بياخذ حقه من الناس اللي كانو سبب في موته وتشتيت اسرته .

لا حول و لا قوة إلا بالله ..

كل كلامك صحيح 100% عيبنا الوحيد السكووووووووووووووووووووووووووووووووووت ولخوف

[بو جابر]

لا حول ولا قوة إلا بالله

[تعب قلبي2088]

اقول يا اخت تناهيد الظاهر انه انتي ما شفتي موضوع كان هب مهم في وقته وللاسف الوزاره بعد ما سوتله سالفه لانه انسان مريض اتمنى تقرين الموضوع هذا وتعرفين معنا المعاناه ومن كم سنه والريال يعاني واتمنى تتاكدين من تاريخ المقال تراه مهم
تاريخ النشر: الجمعة 28 سبتمبر 2007


http://www.alittihad.ae/details.php?id=141381&y=2007

عجبا لما اقرا عجبا لما ارى يا اخوان العبدولي الله يرحمه كان يعاني من سنة 2007 ونشرت عنه جريدة الاتحاد وهذا الدليل .

استغفر الله استغفر الله ولا حول ولا قوة الا بالله اقسم لكم يا اخوان اني اسال نفسي اربع سنين من المرض اربع سنين من التعب اربع سنين من المعانات اربع سنين من تقاسم لقمة العيش بين الطرقات لوزارة الشؤون وبين ابناءه اربع سنين والقلب تقطع حسره اربع سنين والعيون تبكي ليلا ونهارا ولا من مجيب يالله هل هذا من ابناء الامارات هل هذا من المواطنين هل هذا من كان يقول انا ابن الامارات هل هذا من كان يفخر ويفتخر

اين انتم يا من تقولون نحن مع المواطن اين انتم والحسره في نفسه اين انتم والدمعه في عيونه اين انتم والذل المذله له .

نعم انه العبدولي الذي لم يياس من رحمة الله كان طول الفتره هذي يكافح من اجل ابناءه المواطنين ومن اجل تعليمهم ومن اجل ان يجعلهم يعيشون عيشة المواطنين الذي يفخر ببلده ماذا ستقول الام للابناء لو اخذت الابناء ورجعت الى بلدها ونحن نجمع ابناء المواطنين من بقاع الارض للعيش في دار زايد الابو زايد الام زايد والوطن زايد
هل ستقول لهم القصص ام ستقول قصة ابوهم ومعاناته في بلده ومرضه وتعبه اقسم لك يا يالعبدولي اني لا اعلم عن موضوعك الا خلال الايام هذي اقسم لك لو كنت اعلم لما جعلتك تبكي حسره على ابناءك ولا تبكي على تعبك ولا على ارهاقك ولا على عزلتك ولا على خجلك من اصدقاءك ولا على نفسك من المذله والتعب اقسم لك لتناصفت معك لقمة العيش وخليت راتبي نصفه لك والنص الثاني لي ولاسرتي حتى تعلم يا ابو حسن انه نحن تربينا على الرحمه وحسن الخلق لكي تعلم اننا معك ولكن عجبا لا من منادي ولا من مجيب للانسان صاحب الضغط والسكر والجلطات الثلاث والابناء السبعه والاسره اللي تقطع عنها الكهرباء 10 مرات فاليوم والنوم على الارض والخجل من الاصدقاء لزيارته فالبيت لانه كان يحلم بالاثاث و الشغل الحسن وتيسير لقمة العيش ولم يستطع ولما وصل للشوؤن كانت الصفعه الكبرى المذله والعناد وحرقة الدم الم تنظري يا سعادة الوزيره للفقير الذي كان يتناصف المبالغ للوصول الى الوزاره الم تقولي انظر في حاله مثل ما يسوي سيدي صاحب السمو الشيخ محمد بن راشد الم تقولي يمكن الريال تعبان من المرض هل فكرتي اتزورينه او تشوفين بيته ولا هو كيف عايش علشان تفكرين ولو دقيقه تصرفيه له الشؤون ام لا حرام اقسم لكي انه حرام وعيب على من كان من هذه البلد ان يدمر الاسر ويذل الفقير علمنا المغفوره له الشيخ زايد وابناءه على حسن التعامل مع من كان عايش على ارض الامارات فكيف وهذا من اهل الامارات ومن ابناءها وله الحق في كل شبر منها .

ام تفكري في يوم كيف سيقول ابن العبدولي (( عيشي بلادي عاش اتحاد اماراتنا )) وهو يرى ما حصل لوالده وكيف كان يعاني طيلة الخمس سنوات وماذا سيقول عندما يرى اصدقاءه وهم يرتدون ملابس العيد وانتي قطعتي عنه الشؤون قبل رمضان الم تفكري كيف يحضر اكل العيد وملابس العيد للابناء يا حسره على الزمان يوم انذل في بلادي

وانني من هذا المنتدى المميز اطلب من اخواني القائمين على المنتدى ان يفتحون لنا حساب للتبرع لاسرة الفقيد وانا اول المتبرعين ياليت يا اخوان ان تعاون مع اسرة المواطن الذي خلف خلفه اسره لا حول لها ولا قوة ارجووووووووووكم يا شباب

-سبي الله ونعم الوكيل على ظالم الله ياخذ روح كل واحد تسبب في موتك يعني الحين من كثرنا نحن المواطنيين علشان ما تساعدون الريال لا وبعد يوم اسير يقدم وظيفة يقولون له انت مريض المرض من الله سبحان وتعالة اختبار للعبد يوم انتو ما بتخلونة يشتغل كيف بيعيش
من وين يصرف والله يعلم كم حالة موجودة
غير حالة العبدولي هذي الامارات دولة الخير
ما شاء الله وين الخير ولمواطن يموت من الغصة وين البترول اسير وين المليارات اتروح
بسنا عمارات وقطارات شوفو المواطن قبل ما يفوت الفوت ترا لصبر حدود

[طاغيتهم]

لا حول ولا قوة الا بالله

الله يرحمه ياارب

[الطارش2]

ياجماعة الخير ما تذكرون الا السلبيات والايجابيات ما تنذكر الله ايطول بعمر شيوخنا وعلى راسهم رئيس الدولة ونائبه

[تعب قلبي2088]

ياجماعة الخير ما تذكرون الا السلبيات والايجابيات ما تنذكر الله ايطول بعمر شيوخنا وعلى راسهم رئيس الدولة ونائبه

اخوي باجر الاحد بداية الاسبوع تابع البث المباشر حاول تخلي بيدك ورقة وقلم ولين نهاية الاسبوع وسجل الايجبايات وسلبيات وخل نشوف كم مواطن يشتكي وكم مواطن يمدح ....... تابع نحن
ما ننكر اي ايجبايات بس فعلا" حال المواطن
تعبان تعبان تعبان ديون وظائف سكن قروض
سجون وخلها على الله