يا ساكن الروح

[سفير خت]

أموت فيك وأعشق هواك * آه لو تدري مَكْبَرَ غلاك
ريم البوادي ليتني قناص رُماك * والعيوُن سودٍ والكحلْ زَوَدْ حلاك

من عرفتك قلبي مبتلي وداير وراك * خوفي من حُبك يِوَصلني لدرب الهلاك
حُبَك فتني وقلبي صويبٍ وماني محصل دُواك

والقلب مايطيب جرحه ومايبرا الا من لمسة يداك
ياساكن الروح ليش التغلي والقلب يطلب رضاك

ارحم محبٍ يعزك تاركٍ قلبه معاك
شُوفْ إشقد آحبك وَشّرقٍ بأسمك لو حَدٍ طراك

لو بإيدي أحطك في عيوني واغمض عليك * يادانة الدانات يابخت منهو خذاك.

وإن غبت عني ينشغل بالي عليك * واتقصي عنك وين أرضك وين سماك

ما أبي منك إلا تودني مثل ما أودك * خلني في عيونك بشر وأنت في عيوني ملاك

[ملاك المشاعر@]

ياسلام عليك ياسفير خت
ابدعت في حروفك ونسجك اروع العبارات
راااق لي ذووقك الرااقي
لاهنت عزيزي ع طرحك المميز

[سفير خت]

عزيزتي واختي الفاضلة ملاك المشاعر شكرا على مررورج بموضوعي

دمتي بخير

[الأميرة الحسناء]

المصدر : http://forum.alrams.net/showthread.php?t=264191#ixzz1ZwSs4CtP
الرمس نت

لو بإيدي أحطك في عيوني واغمض عليك * يادانة الدانات يابخت منهو خذاك.

كلمات في منتهى الاحساس
راق لي ماوضعته اناملك ,,,
فشكراُ لك من القلب على نثرك الكلمات الرائعه ..
دمت فخير وسعاده ,,

[سفير خت]

عزيزتي واختي الفاضلة الاميرة الحسناء شكرا على مررورج بموضوعي


دمتي بخير


يعطيج العافية