ماذا تعرف عن التخاطر.. الحاسه السادسه

[صابره]

انتظرك

[منصوور]

موضوووووع رآآآآآآآآآآآئع

[جناين دبي]

السلام عليكم ورحمة الله وبركاته

اتابع سرد المزيد من المواقف التي حصلت معي تحت نفس الموضوع

بعد ان قرات ردود سيدة لا تنسى دخلت ايضا على النت وقرات المزيد
ومما سهل علي القراءة والاستيعاب ان امراة لا تنسى قد وضعت تعريفات معينة لكل ما ذكرته لها يعني (الحاسة السادسة - الحدس - قوة التخاطر - قوة التجاذب - القوة السلبية - القوة الايجابية .. الخ)
ومما قراته عن قوة التخاطر انه كلما كنت مرتبطا بالشخص الذي تفكر فيه وهو مرتبط بك او يفكر بك يكون التخاطر اقوى

قلت خليني اجرب وبتندهشون من النتيجة

الموقف الاول: ربيعتي من اكثر من خمس سنين علاقتنا انقطعت لظروف معينة خاصة بها وانا قلت بجرب وياها التخاطر لاني احيدها تعزني وانا اعزها وايدد تميت افكر فيها ايام واقول في نفسي بجرب وياها اذا كان عندها تخاطر وياي ولا لا -- اللي حصل اني كنت يالسة ف مكتبي في الدوام ولا فجأة اسمع صوتها برع مكتبي وعرفته انه صوتها --- طبعا مستحيل --- شو اللي يابها دوامي اصلا هي ما تعرف انا وين اشتغل لاني خلال هالفترة انتقلت من دوامي الاول وما قلت لها -- ولا اسمعها تكلم موظف وتقوله انا ياية ادور على مدير معين واسمي فلانه بنت فلان -- ضحكت --- وبعد قلت بجرب وياها مرة ثانية -- وبعد كم يوم بعد يت دوامي تدور على نفس المدير -- ضحكت مرة ثانية -- بغيت اسالها عندج تخاطر وياي ولا ما عندج وحسيتي فيني اني هني ولا لا بس قلت اكيد بتضحك علي وترددت اسالها --- بس قلت بجرب وياها رمة ثانية وبشوف خخخخخخخخخ

الموقف الثاني : بعد ويا ربيعة ثانية كانت وياي ايام الدراسة وانقطعت علاقتنا عشان ظروف وانا بعد اعزها - شفتها فالتلفزيون ف برنامج معين وتميت بعد افكر فيها وااايد واقول بعد هاذي بسوي وياها تخاطر - المهم ف يوم طلعت بعد الدوام ومريت على محل اتشرى اغراض ويوم كنت واقفة في المحل وعاطية الباب ظهري ولا اسمع صوتها وراي -- اكيد بتقولون مستحيل لا طبعا مش مستحيل مش مستحيل - وما اعتقد بعد انها صدفة - كان جدامي منظرة وطالعت في المنظرة ولا اشوف ويهها واقفة وراي بالضبط -- شو اللي يابها المحل وخلاها توقف وراي بالضبط وفي نفس اليوم الي انا ييت فيه وفي نفس الوقت -- بغيت اسالها نفس الاسئلة الي فكرت فيها ويا ربيعتي الاولى بس ترددت وقلت بجرب وياها مرة ثانية وضحكت

الموقف الثالث : كنت سايرة الشارقة ادور مركز ابو هيل لكن ما اعرف مكانه بالضبط ابغي اسوي عبايات خطر ف بالي اتصل اسال ربيعتي ساكنه فالشارقة انا كنت ماخذة اجازة سنوية من الدوام يعني ربيعتي المفروض تكون في دوامها بعد المهم قلت بتصل فيها عشاني ضايعة وما ادل المكان - اتصلت فيها سالتني وين انتي الحين لما وصفت لها وين انا واقفة بسيارتي - تصوروا شو قالت لي -- قالت لي طالعي على يسارج الصوب الثاني من الشارع بتحصلين بنك دبي الاسلامي فرع الجوهرة سيارتي جدام البنك وانا داخل البنك ------ معقول صدفة ؟؟؟؟
لفيت الدوار وسرت وياها ودلتني على المركز
سبحان الله -

سبحانك ربي لا اله الا انت استغفرك واتو ب اليك - عشان اخليكم تذكرون الله يوم تقرون

بانتظار ردك امراة لا تنسى وشكرا على العلم الذي تشاركينا فيه

[صابره]

ننتظر امرااه لاتنسى تعلق

[شيخة اليماحي]

موضوع جدا راااااااااااااائع ،،

قرأت الموضوع من أوله لين آخر رد فيه " مع تفويت بعض الردود " خخ

لكن وااااااااايد عيبني وبديت أميل للاقتناع به ..!!

ننتظرك ".. امرأة لا تنسى >> .. جزاكـ الله ألف خير

[صابره]

ننتظر تعلقك

[الوحيدة بالغربة]

مشكوووورة

[صابره]

لااعرف وينك يامن لاتنسين ننتظر تعليقك على كلامي
وجزيتي خيرا

[عيووش]

ماشاء الله مواضيعج واايد مفيده
لي تجارب بس مادري حاسه سادسه والا شنو
يعني من سنه تقريبا صرت اخمن الشي ويستوي
يعني اذا اختي تسالني عن شي هي شرته وتقولي كم تتوقعين السعر اقول السعر بالضبط
وحزاات ااقول شي ويستوي نفسه

[إمـرأه لا تُنسـى]

اهلين

طيب انا عندي اشياء دايم تصير مثل

احيانا اشوف ناس في الحلم ويصيرون مسافرين ويرجعون للبلد او يكلموني بالتلفون او يزوروني او يزورون اهلي مع ان علاقت فيهم سطحيه او قليل اشوفهم اذا ماكان نادر

والشيء الي من عرفت نفسي يصير وهو مضيق صدري بصراحه

انه اذا قلت غريبه هذا الشخص ماجاه مرض او ماتعب او ماجته حراره فالاقيها تجيه هذي الاشياء وخاصه اولاد وزوجي وانا واحيانا اهلي
او اقول ولدي كثير الحركه واتخيل انه يصير له شيء معين كحادث او الم جسدي فيصير له
او زوجي
مره قمت الصبح وقلت زوج من زمان ماصدم بالسياره بنفس اليوم او بعده بيومين صدم بالسياره وكذلك ابي
طبعا كلها احاديث في نفسي ما اقول لاحد
ومره قلت ابني الصغير في الشارع ماذا لو صدمته سياره وبالفعل صدمته ولكن ولله الحمد كانت الصدمه بسيطه
او اقول من زمان ما تشاجرنا انا وزوجي فنتشاجر بنفس اليوم
او اقول انا من زمان ماجاني المرض الفلاني لايمضي اليوم الا وانا مصابه به
ودائما اذا مدحت شيء للناس وقلت انا مجربته تلاقيني بعدها ما استفيد شيء يعني حدث العكس لي ولا عاد نفع هذا الشيء ااييا كان مع اني اذكر الله ومحافظه على الذكر والتحصين وحتى اللذن امام اذا مدحت لهم شء وجاب نتجه معهم يذكرون الله عشان مااحد قول عين
وقبل فتره حد امر غريب
صحيت من النوم وقلت في نفسي زوجي لم نتشاجر انا وهو من زمن وهو طب لابد ان رجع ل كم انا محظوظه وحمدت الله وشكرته
لم مض الييوم الا وقد تشاجرنا وانفصلنا
هذه الامور امور التفكير بالشيء لاتحدث الا معي واولادي وزوجي واحيانا والدي اما الاخرون لايحدث لهم شيء وانا دائمة الذكر وقول ماشاء الله تبارك الله عالقه بلساني وقلبي طيب

اهلا اختي الكريمة ...



بالنسبة لاحلامك اختي الكريمة / هنا تظهر لديك قوة التخاطر ...


حيث تحلمين بشخص معين ولا بد بأن تسمعي شيء عنه في القريب او ترينه او اي موضوع يتعلق به ...





اما



عن ما تفكرين به من امور سيئة ويقع في الواقع



فهذا ما يسمى بقانون الجذب


انتي بتفكيرك تجذبين الامور والوقائع السلبية لنفسك ...



كما ذكرت سابقا ان الفكر والعقل آلة عظيمة ...


يمكن ان تربحي معه , متى تعاملتي معه بالطريقة الصحيحه


والايجابية والمتفائلة ..


ولكن متى استخدمي عقلك وفكرك بامور سلبية ستجذبين ذلك بوقائع سلبية لحياتك ...



عودي نفسك على التفكيير السليم والايجابي اختي الكريمة ...


وسترين العجب في حياتك


حفظك الرحمن وحفظ ابنائك وعائلتك