السلام عليكم ورحمة الله وبركاته
من ناحيه هالسالفة ترى الريال ما سب الدولة فلا تضيفو اشاعات من عندكم كل اللي سواه كتب ( اي هيت يو ) على البالونه وفجرها وكل ها من باب ( الدعابه ) وماشاء الله بنات خذو السالفة بجديه من كرهم على الريال واعتبروها اهانه للدولة واعتقد ( اي هيت يو ) معناها اكرهك مب اكره . . ودام استعيلو بالطرد ليش ماخذو وسألوه ليش سوه جي وشو كان رده ولا بس طردوه على شهاده بنات ماتدرون ضيفو زيادات ولا . . وخافو ربكم قطعتو رزق ريال هو واهله كامله . . وهالريال معروف والله بطيبه قلبه وسوالفه . . والكل يدري انه سوالفه ثجيله شوي واللي اعتبرو هالشي اهانه و ووين الوطنيه شدخل الوطنيه الحين . . الوطنيه انه تسامحون وتقولون له ان الامارات موفره لك بيزات وبيت وغيره عسب تعرفون هالشعور من خاطره ولا مب على طول سرتو عسب تقطعون رزقه وطحتو فيه سب واهانات ويستاهل ومدري شو وين تبون . . ووين شعار الدولة المنتشر الحين [ الله ثم الوطن ثم رئيس الدوله ] ودينا حثنا ع التسامح جان سامحتو الريال دام دينا دين تسامح وحب مب دين كره وبغض . . وانا مع اختي امنه و دفاع عن المظلوم برايهم . . كيف اللي نشروا هالشي واللي يقولون يستاهل بيناامون بالليل وفذمتهم انهم قطعو رزق ريال هو واهله كامله ياخي خلو



ياخي خلو فقلبكم رحمه عفانا الله . . اوك من ناحيه الوطنيه الكل يحب الامارات والله يخليها دوله عماره وذخر حقنا بس مب جي تكبرون كل سالفه واذا وطنيه يلا عيل ليش ماتكبرون السالفة عسب تحررون الجزر الثلاث هاي ترى من واجبكم الوطني بعد مب بس تضاربون على واحد تدرون انه اي غلط منه عادي يوديه بداهيه . . ومن غير ها يامكثر االلي يغلطون على الامارات من المدرسين ليش محد يشتكي عليهم ولا ناس وناس لا فوق راسهم ريشه لانكم تحبونهم وعادي تمشون وياهم اما اللي تكرهونهم تنتقمون منه سبحان الله . . الله على الظالم واتمنى يعيدون رايهم بهالسالفة ويرجعون للريال شغله ورزقه وانتو اللي حقدتو عليه خلو فقلبكم رحمه المسامح كريم طال عمركم . . والساكت عن الحق شيطان اخرس . . واتمنى محد يسكت واللي فاهمين السالفة من ناحيه مب متحيزه يحاولون يردون الانسان لشغله .. وشرات مانتشرت السالفة بربع ساعه ان شآء الله هالانسان يرد لشغله بأسرع وقت ويعيدون النظر بالحكم اللي صدروه حقه . . لاحول ولا قوه الا بآلله