بسم الله الرحمن الرحيم
الصراحه هذه الحادثه كانت قمه في الاستهتار ، وتشويه لهذا اليوم العزيز
صار حمل السلاح والتهديد به امراً عاديا عندهم ، ونحن في دوله الأمن والاستقرار
وبخصوص المسيرة كانت فوضى عارمه ، كأني دخلت في ساحه معركة
الكل وخاصه المراهقين شالين الرش ومسدسات الماي باشكال واحجام
يرشون على النساء والعوايل حتى الي يالسين في حديقه الكورنيش
يفتحون بيبان المواتر ويرشون الي داخل وماهمهم اذا حريم ولا عوايل
مداخل وشوارع راس الخيمة مسطكه { شارع القولف } { شارع خرام }
{ شارع الجسر } { شارع قصر الشيخ صقر }
الشرطه موجوده ، لكن ماشي تنظيم ، حاولوا يوقفون المسيره
او يخفون الزحمه لكن مافي فايده ، يصكون درب والشباب يدخلون من درب ثاني
بعد المسيره لو جفتوا الشارع بتقولون زباله اوراق وعلب وزينه ووصاخه ، استغفر الله
يرضيكم اتجوفون بلادكم بهاي الصوره ، اتجوفونها مب نظيفه وبحاله فوضى
انا ما اعارض المسيرة لكن مب بهاي الطريقة
اتمنى المره اليايه يكون تنظيم للمسيره من قبل الشرطه
وايضا ، يمنع استخدام الرش ومسدسات الماي ، عدم التحرش بالبنات
والعوائل ، عدم فتح ابواب السيارات او عمل حركات غير لائقه ، اي شخص يرمي
مخلفات في الشارع تكتب عليه مخالفه ماليه في مكان الحدث
الله يهديكم ، ويديم الفرح في الامارات
وان شاء الله بجوف الاحسن المرات اليايه
مشرف مجلس المنوع
مستر وي
رد مع اقتباس