امارتيه تسبب ذعر فى طائرة أبو ظبى بسبب "سيجارة"صوره

[أبو حميد]

كلام noora rak صحيح

[عيناوية حرة]

وليش ما تعتقدون إنها إماراتية ..

قاعدين نكذب على بعض ..

موجودات من هالبنات .. وبنات أصل وفصل .. إماراتية الأب والأم .. والجد والجدة والخالة والخال والعمة والعم .. موجودات ..

لا نستوي مثل النعامة نخبي روسنا في الأرض ونقوول مستحيل تكون بنت البلاد ..

ومن أمثالها وااايدات شفناهن أمس واول أمس في المسيرات ..

ولا شو الراي يا اخوان . ..

الواجب انه نعترف بوجود مثل هاذي السلوكيات بين بناتنا والواجب انه نحاول نحل هالمشاكل السلوكية والأخلاقية عند عيالنا ..
سواء بنات أو شباب ..

ولأكون صريحة أكثر .. مثل هاذي الظواهر موجودة .. لا نعق اللوم على الأم المسكينة كونها مصرية يعني معناته بلا أخلاق ..

والله اني ضحكت وكلي ألم من بعض الردود ..

أنا أمي مصرية ولا أدخن ولا اطلع مسيرات ومحجبة ...

وين المشكلة في الأم المصرية أم البيئة موبوءة بأخلاقيات سلبية عند شبابنا .. ؟

ممكن أعرف رايكم با اخوان !!!

أحترم رايج

والنعم فيج أختي

بس أعتقد ان بنات الاصل يسوون مثل هالحركات بس في الدس
يعني مايتجرأن يدوخن ويلعبن جدام الناس ..

[فتى ضايه]

بنات اخر زمن

[أم حنان]

وافضيحتنا ..
الله يهديها يارب ..

[noorarak]

أحترم رايج

والنعم فيج أختي

بس أعتقد ان بنات الاصل يسوون مثل هالحركات بس في الدس
يعني مايتجرأن يدوخن ويلعبن جدام الناس ..

تـــراهنين ...

عيل انصحج إذا عندج حد في الدعم الاجتماعي .. تسألينه عن الحالات اللي توصلهم ..

وطبعاً أنا لا أعمم مثل البعض .. أنا أقول بعض البنات سواء كانوا من بنات اللي مسجل علينهم ختم بنات الأصل على حد قولج .. أو بنات الأجنبيات .. اللي نص نص مب أصل .. على حد قول الكثير وللأسف ..

وعلى حد قولتج بس في الدس .. ليش في الدس حلال وفي العلن حرام .. تراه كله يؤدي إلى جيل فاسد سواء في الدس أو الجهر ..

اختي حتى نستطيع حل مشكلة متفاقمة لابد لنا أن نواجه مدى مصداقيتها وانتشارها وتأثيرها على أبنائنا في المجتمع ..

والله يستر على شبابنا وبناتنا .. سواء بنات الأصل أو ( النص أصل )

وكاسك يا وطن

[أميرة الفرح]

اخر زمن دواخه فالطياره

[عيناوية حرة]

ماقصدت لي فهمتيه أختي noorarak

السموحه منج ما عرفت اوصل المعلومه ,, يمكن

لي أقصده انه في بنات تدخن وبنات يشيشن و بنات يحوطن فالاسواق بلا غشوه والشعر برا

لكن مايسوون هذا جدام أهلهن .. يعني من وراهم

والبنت المحتشمه لي تخاف ربها وسمعة أهلها ماتسوي هذه الاشياء لا جدامهم ولا وراهم ..

بس للأسف البنات يقلدن لي يشوفنه في التلفاز وغيره ...

اتمنى يكون وصل المقصد