أبي أستقسر منكم لو ما عليكم كلافه ...

[دموع أنثى]

السلام عليكم اخواني وخواتي في الله
بدش في الموضوع على طول
عندي ولد قامت تييله حاله من الإغماء الخفيف والتشنّج الخفيف أيضا أقل من سنه
وآخر مره طاح فيها علينا قبل رمضان اللي طاف >> أعتقد شهر فبراير
ودخلوه مستشفى أم القيوين اللي بعض الأطبّاء ما يعرفون ولاااا شي في التشخيصات للمرضى
وشخّصوا حالة ولدي إنه عنده التهاب في الاعصاب ووو والله نسيت أشياء واايده بمخّه
والله وين تلقوني لما دريت عنّه لأني مطلقه وعندي عيال منه وهم عايشين مع أبوهم ( طليقي ) وآنا ياني نصيب وتزوّجت بس ولله الحمد متواصلين آنا وعيالي على طول ... المهم صديق الأبو اقترح عليه يودّيه الهند يعالجه هناك أحسن وياخذ معاه التقارير اللي كتبوها دكاترة أم القيوين . وقبل رمضان ب10 أيام سافروا على حساب الأبو والله ثم والله ثم والله راااح تتفاجئون بالتشخصي ونتايجه اللي عطوها لأبو عيالي تدرون شنو قالوله (( الولد لما كان صغير طايح )) رد عليه طليقي بنعم جان يقولون له دكاترة الهند (( حرام عليكم الولد ما فيه لا التهاب بالأعصاب ولاااا شي اللهم ورمه عاديه من الطيحه وبس . شنو الدكاترة العرب اللي عندكم والله أكثرهم ما يعرفون شي وشهاداتهم كلها شارينها بس عشان يشتغلون للمااادّه حرام عليكم هذا وهم مسلمين جذيه يسوّون بالمرضى ويسوّون نفسهم فاهمين وعارفين )) ورد عليهم طليقي وهو مستغرب (( يعني الولد ما فيه شي ؟؟ )) وجاوبوه الدكاتره (( يا بوحسن الولد والله ما فيه شي بس بنعطيه أدويه خفيفه وشوي شوي بتروح الورمه والإغماء بيروح عنّه شوي شوي العلاج ما يطيب مره وحده . والأدويه اللي عطوكم المستشفى اللي بالإمارات وقفوها وكنسلوها نهائيا لأنها مضرّه وتخرّب المخ )) وقالوله كل بعد 6 شعور يروح الهند للمراجعه فقط .... حسبي الله عليهم دكاترة أم القيوين عسى اللي شخّص المرض وكتب الأدويه عساه يلقاها بعياله ان شالله وهذي حوبتي حوبة أم مقهورة ..
والحين المشكله الكبيره اللي انصدمت منها وهي طليقي طلّع ولدي من المدرسه وسوّى رساله لوزارة الشؤون عشان يعطون الولد شؤون ؟؟؟؟ الله واكبر عليه الله واكبر عليه ليش كل هذا عشان فلوس !!! ( على فكرة عندي ولد أكبر من حسن وهو معاق جسديّا ولله الحمد والفضل وسليم عقليّا نفس الشي الأبو طلّعاه من المدرسه وقعّده بالبيت ولدي هذا ياخذ شؤون من سنين وتدرون شنو يسوّي الأبو ؟؟ ياخذ معاش الولد المعاق ويصرفه ع الغنم والحمام والبط حسبي الله عليه من أبو هذا بعد وهو متديّن ولحيته لين صدره وكل سنه حج .. هذا بدل ما يفتح حساب للمعاق ويحط الفلوس بحسابه تنفعه لحياته ياخذهم ويصرفهم حسبي الله عليه .
والحين بيسوّي نفس الشي بولدي حسن قايل إنه فيه القلب وما يقدر يشتغل ... يعني يتبلّ ويفاول على الولد وهو ما فيه إلا العافيه .. سبحان الله كل هذا عشان فلوس .
والله بقول لكم شي ووالله الوِد ودكم تذبحون الأبو بفعلته الخسيسه وهي :
قدم على طلب تقاعد وهو الحين متقاعد من اسبوع عشان جذيه طلع ولدي من المدرسه وطلع فيه أمراض يعِل الأمراض كلها تحوشه ان شالله عشان وسخ دنيااا ((( فلوووووووووس )))
وآنا الحين ميته قهر من عرفت بالسالفه . وولدي البكر أهو اللي قال لي عن الموضوع وآخر شي قال لي يمّاه أبوي ما يخاف من الله ؟؟؟؟؟؟ شوفوا السؤال ؟؟؟ حسبي الله عليك يا فلان جانك بتضيّع مستقبل عيالي عشان وسخ دنيااا ....
وآنا بغيت أسأل وأستفسر عن وزارة الشؤون واشلون اجراءاتهم للي يقدمون ع الشؤون وشنو طلباتهم وعلى أي أساس يوافقون على إعطاء الشؤون .. لأني أدعي ليل ونهار انهم يرفضون طلبه وبدون الرجوع لموضوعه نهائيا ..
عنبو اتق الله في عيالك ليش تتبلا عليهم بالامراض عشان تاخذ فلوس بالحرام غيرك يستحقها ..
حسبي الله على كل ظالم حسبي الله على كل ظالم ..
وسامحوني طوّلت عليكم بس والله محتاجه لمساعدتكم والله الشاهد على كلامي
أختكم في الله / دموع أنثى

[العبدلي]

اختي الكريمه ادعي له بالهدايه

وبالنسبه للشئون لهم اجراءات تختلف من بلد لأخر وفي الغالب اذا الطفل معاق او عنده تقارير يعطونه

واذا تبينهم يواصلون دراستهم ارسلي احد يفهم ابوهم انه مستقبلهم في انهم يدرسون ويتعلمون

واذا ما استجاب ( بلغي القضايا الأسريه ) لان مهمتهم حماية الأطفال و هم لهم سلطه والشرطه مسانده لهم

وتقريرهم نهائي في الحكم على والدهم

ولكن الأمور تحل بود افضل فخذي بكلامي الأول وهو بعث انسان عاقل يحاول يفهمه ان الدراسه هي الاهم

وادعي له بالهدايه

اتمنى ان اكون افدتك في هذا الجانب

تقبلي مروري اختي

[دموع أنثى]

[align=center]هلا فيك اخوي
أهل الريال كلموه كذا مره وحااولوا معاه وااايد وقالوله حرام عليك تتبلا ع الولد وهو ما فيه شي . حرام عليك تبعده عن دراسته ومستقبله عشان وسخ دنيا ... بس عمّك أصمخ
ماكفو فايده وآنا ما دعيت عليه إلا لما شفته تعدّى حدوده مع العيال بشكل كبير
والساكت عن الحق ياخوي شيطان أخرس ..وآنا ما قلت إلا الصّج
واللي قلبه متعلق ورا الفلوس عمره ما راح يخليها بيسوّي المستحيل عشانها ....
والله كريم فوّضت أمري وأمر عيالي لله عزّ وجل هو الحكم والعادل سبحانه وتعالى.
بس بوضّح لك شي مره ثانيه ( الطفل المعاق ياخذ شؤون من سنين وهذا شي من حقّه لأنه ما يقدر يشتغل أما بالنسبة لولدي الثاني سليم وما فيه أي شي طفل عاادي وكان يروح المدرسه الحكوميّه بس الأبو شاف الإغماء الخفيف والتشنّجان الخفيفه قالها فرصه أطلعه من المدرسه وأسوّي له أوراق الشؤون وأطلع فيه أمراض عشان ياخذ شؤون ) ملاحظه / الولد السليم اللي كان فيه ورمه من الطيحه ولله الحمد والفضل تشافى وتعافى بعد العلاج والمراجعات بالهند ..
تسلم ياخوي ع المرور الطيّب الله يحفظك[/align]

[وفوي المطاف]

جان وديتيه مستشفى في ابوظبي او في دبي يمكن يكون تشخيصهم لولدج احسن

[عذبه الشحوح]

الله المستعاااااااااااااااان ..............

[شيخة بأخلاقي]

[align=center]
الله يهدي ابو العيال ويريح بالج يا ام حسن
[/align]

[فيصل بن هاشل]

[align=center]
السلام عليكم

مستشفى الاعصاب في جميرا مستشفى متخصص في الاعصاب

اتمنى انج تستفسرين عندهم يمكن يفيدونج

الله يهدينا و يهدي اخوانا المسلمين يارب
[/align]

[عيون اماراتية]

أسأل الله العظيم رب العرش العظيم ان يشفيهم