( بقلمي ) طــــعـــنة غــــــــــــــدر

[سري للغاية]

السلام عليكم ورحمة الله وبركاته

قيل قديماً أن

"الصداقة صخرة لا يحطمها إلا مطرقة الخيانة"

دعوني أعرفكم بنفسي أنا حمد من أقرب أصدقاء صاحب القصة المؤلمة التي سوف أرويها لكم قصة صداقة من نوع آخر كانت نهايتها مؤسفة للغاية وكان بطلها المخدوع خــــالد

نقطة من بداية السطر

حمد : خلووود يالله الحمد الله ما بقى شيء وبنخلص الثانوية العامة وأخيراً يا خلود بنفتك من الدراسة وهمها

خالد : هي والله يا حمدووه وأخيراً بحقق حلمي وبستوي ضابط

حمد : طالعوا هذا مصدق عمره

خالد : وليش مصدق عمري ويا ها الويه

حمد : صدق يعني النجمه بطير وبتلصق على كتفك من تخلص الثانويه شوووه

خالد : حمدوووه أنته أصلا تغار مني ومن شخصيتي الفذه

حمد: أوووف ورد يقولي شخصيتي الفذه إنته خله تكون عندك شخصيه علشان تكون فذه

خالد : جب جب فكنا أنا واثق من نفسي و ما احتاجك تعلمني قدر نفسي

حمد : بس إنزين خلاص خالد أنا أسف يا صاحب الشخصيه الرائعه

خالد : إتمصخر معليه يا حمدووه بتمر الأيام وبعلقها النجمة بإذن الله يعني بعلقها

نقطة من بداية السطر

تمر أيامي و أنا لازلت الرقم واحد تقريباً بحياة صديقي وحبيبي خالد ولكن كما قيل عاشر من تعاشر فـ لا بد من الفراق

حمد : خلووووود وأخيراً خلصت مدرسه وأخيراً يا سلام

خالد : هيه والله شفت كيف بس نسبتي مب قد طموحي يالله الله كريم شو بسوي

حمد : خلوود عن الخقه قول الحمد لله شو مب قد الطموح حسستني إنك ما تودر الكتب إنته زين نجحت

خالد : حمد الشطاره مب كلها مذاكره تراني أنا من يوم يومي ذكي والذكاء ما يبيله مذاكره

حمد : خلووود تدري إنك فيلسوووف وبعد كل هذا أنا أرتاح لك إنته أكثر واحد بالوجود

خالد : حمد بس عادي يا خي وايد يقولون لي ها الكلام مب إنته أول واحد عادي حمد ما يبت شيء يديد

حمد : هذا إلي بيبط جبدي بس خلووود ودر عنك الخقه

خالد : حمدووووه تدري فيني أسولف ولا أنا والله لا خقاق ولا شيء

حمد : أدريبك خلووود ما يحتاي تقووول

خالد : زين , زين شيء طيب إنك تعرفني على صفاتي الحلوة

حمد : بس فكنا من حشرتك أقولك أخوك أحمد متصلبي يقولي خلوود أخوي يبا يسافرسوريا ويا جسوووم و أنا ما أباه يسير أخافه يخربه جسووووم تعرفه إنته خربان من يوم يومه

خالد : إنزين أدريبه جسوووم خربان بس أنا شو أبا فيه برووح أستانس

حمد : لا خالد ما أباك تروح وياه

خالد : بلاك حمدوووه تدري فيني إني ما في شئ يخربني لو بخترب كنت إختربت من زمان

حمد : على كيفك خلووود بس إنته وجسووم بتروحون محد غيره بيرووح وياكم

خالد : لا بيروح معانا حمووود و صلوووووح

حمد : زين والله بس ما أحيد ربيعك حمووود وايد

خالد : صح حمووود مب ربيعي وايد , بس مسولفجي وتعيبني سوالفه

حمد : هي صدقت حمووود وايد خريش وحبوب كل حد يحبه

خالد : علشان جيه بيونسنا يعيبني ها الإنسان أنا وايد

حمد : أكثر عني يعني

خالد : فكنا حمدووه لا تسوي فيها دور الرومنسي

حمد : أنا من ستويت رومنسي ويا ها الويه

خالد : إنزين حمدووه بروح البيت عنك من العصر و أنا ما دخلت البيت

حمد : برايك خلووود

نقطة من بداية السطر

كانت تلك هي ليست إلا بداية لقصة خـــالد التي أنقشها لكم و أنا أقطر دمعاً

يتبع الجزء الثاني