المتصله : أنا مريم
خالد : من مريم ربيعه حموود
مريم : هي خالد تسوى عمرك ما تعرفني
خالد : هلا مريم شو تبين متصل بي و من وين يبتي رقمي
مريم : بطريقتي الخاصه
خالد : محمد يدري أنج متصله فيني
مريم : لا
خالد : إنزين عيل قفلي أنا ما أقدر أكلمج
مريم : صبر خالد أبا أقول لك شيء
خالد : ما أبا أسمع شيء مريم قلت لج أقفلي
مريم: والله مب بكيفك أنا بقول إلي عندي تسمعني يعني تسمعني تراك منخدع بحموود وايد
خالد : هي إنتي شو تخربطين شو منخدع آخر زمن إنتي تعلميني بحموود أنا أنخدع بكل الدنيا إلا حموود ما أنخدع فيه
مريم : خالد صح حموود وايد يحبني وياما يبجي الليل علشاني و أنا من زمان أبي أنهي علاقتي وياه وهو مب راضي
خالد: أيه سكتي خلاص ليش تقولين لي ها الكلام أنا شو يخصني
مريم : صبر بكلمك : خالد محمد يغار منك وايد ومره قال لي أنا كرهت خلوود والسبه إنتي
خالد وغير مستوعب شو تقول مريم : هااااااا هااااااا محمد يكرهني ليش أنا شو سويت
مريم : خالد بصراحه أنا أنعجبت فيك وايد سوالفك وايد حلوه حموود سوالفه ممله مليت منه الصراحه و أنا كل مره أقوله أبا أكلم خالد و أشبكني ويا خالد وما يرضي
خالد : مريم تدرين أنا كيف أعزج وحترمج حرام إلي تقولينه حموود مستحيل يقول عني ها الكلام أنا صح أقوله بالفتره الأخيره أشبكني ويا مريوم وهو ما يرضي وسأل عنج يقولي زينه ولا تطريك خير شر
مريم : وين أنا ما أطريك عيل والله أني ما عندي سيره وياه غيرك
خالد : بس مريم دخيل الله بس وقفي
مريم : خالد والله بقولك شيءترا محمد يخبرني عنك كل شيء كل شيء من بينكم مسجاتك سوالفك له كل شيء ودايماً يبين لي أنه إنته قاط عمرك ليه وهو ما عطنك ويه
خالد والدموع تطيح من عينه : مريم إنتي شو تقولين
مريم : والله عساني أموت إن كنت أجذب عليك يا خالد
خالد : مريم خلاص الله يخليج أقفلي ولا تتصلين مره ثانيه
مريم : إنزين خالد أنا أبا أكلمك
خالد : مريم أنا لو الموت ما أخون حمووود
مريم : بعد كل الي قلت لك وتقول ما تبا تخونه
خالد : مريم إنتي ما تعرفين حموود شو بالنسبالي
مريم : والله كيفك و أنا أترياك أدري أنك مزوج ومب فاضي لمثل هاي السوالف بس أنا أباك
خالد وده يصرخ يقول أنا ما متزوج وفهم ليش محمد يقول لمريم أنه مزوج
خلاص مريم تراج قلتيها أني مزوج يالله باي
نقطة من بداية السطر
شكراً على كل شئ قلته كذب عني و أنا غير الخير ما جاك شئ مني ياليت كل الناس با عوني مو أنته
ها أنا أغلق خط هاتفي و كان ذلك الوقت يصادف يوم السبت
وهو يوم توجهي إلى إمارة أخرى لوجود مكان عملي هناك
نقطة من بداية السطر
اناضايق وبالى ضايق وجويّ ضايق ضيقن كايد
نفسي ملت وروحي ولت وعيني هلت دمعن وايد
انا الوافي وهو الجافي حبي صافي وجرحه سايد
تمر الخمسة الأيام لتواجدي في العمل وها يوم الخميس قد جاء
وقد قمت بفتح خط هاتفي في هذا اليوم بعد أن قمت بإغلاقه
لعدة أيام وما هي إلى لحظات حتى كان صديقي محمد يتصل
بي و أنا غير مدرك لما حصل
خالد ويجيب على محمد : ألووو
محمد : هلا خلوود إنته بوين شو صار فيك ليش غالق تلفونك أخوانك كلهم متصلين لي حشروني يقولون خلوود شو فيه ليش غالق تلفوناته
خالد : ولا شيء محمد
محمد : شو ولا شئ مب بكيفك قول بلاك
خالد : محمد ولا شيء
محمد : ما علينا روح أتصل حق أخوانك و أمك و أبوك لأنهم وايد يحاتونك يالله باي
خالد : باي
نقطة من بداية السطر
بــ هذه اللحظة قد سقطت دمعة القهر من قلبي دمعة الحسرة
ما به ماذا حصل مني لما كل هذا التغير هل مريم تستحق أن
تبيع عشرتي من أجلها
نقطة من بداية السطر
تمر الأيام و علاقتي بـ محمد كما هي بها ذلك الفتور منه
والصدمة مني وبهذه الأيام يرجع صديقي حمد من بريطانيا من الدراسة
حمد : خلووود الغالي والله لك وحشه
خالد : هلا وغلا بـ حمد الحبيب
حمد : خلوود شحالك شو بلاك قاطعني صار لك فتره ولما أكلم
أخوك مروان يقولى شو فيه خلوود متغير كله مضايج وماله
نفس لحد ويعصب بسرعه
خالد : مروان يقول جيه بس ما قالي
حمد : وين يقولك انته ما ترد لأتصالات لأي حد منهم ولو تكلمهم تكلمهم من ورا خاطرك
خالد : لا ما يخصه
حمد : خلوود بلاك شو فيك مستويليك شيء محتاج شيء ناقصتنك فلوس قول تراني أخوك
خالد وهو يحدث نفسك كم تمنيت أنه الي ناقصني فلوس : ولا شيء حمد
حمد : أقول ترا أنا أبا أسير وياكم العمره
خالد : أي عمره حمد منو أصلاً بيروح العمره
حمد منصدم : شو منو بيسير العمره كلنا منروح ليش محمد ما خبرك
خالد : هااااااا محمد هي خبرني
حمد : شو هااااااا محمد خبرني محمد عنده علم وقلنا أكيد بيخبرك
خالد و هو مضايج بالحيل : حمدووه سيروا أنتوا أنا مالي خاطر
حمد : والله تخسي ريلي على ريلك مب بكيفك والله لو ما سرت لا إنته ربيعي ولا أنا أعرفك
خالد : حمد لا تضغط علي دخيلك
حمد : مالي خص تروح يعني تروح و أنته وكيفك
خالد : خلاص محمد أوكي
حمد : شو محمد أنا حمد مب محمد
خالد : أووووه سوري حمد
حمد : غريب أمرك أموت و أعرف شو فيك
نقطة من بداية السطر
عند رؤيتي لصديقي حمد أحسست بشعور غريب فــ كنت أحدث نفسي
قائلا: لا يا حمد لا تخدعني كما خدعني محمد فـ والله أن جسدي لا يتحمل طعنات أخرى
يتبع الجزء السابع
رد مع اقتباس