عفواً بس في غموض فالموضوع.. كيف يقولون ان هو ما بلّغ وهو في حواره قال انه أول ما حصّل اللقيطة بلّغ الشرطة!!؟؟
ويوم بلّغ ليش ما استلمت المؤسسة اللقيطة ليش خلّوها طول هالفترة!!؟؟
والشي الثاني كيف يقولون ان المكان غير ملائم، ليش هو مب عايش في بيت!!؟ واللا في زريبة!!!؟؟؟
والبيت بدال الغرفة فيه أربع غرف شو يبون أكثر !!؟؟
ورإتبه الشهري تسعة وعشرين ألف درهم لو قال عشرة آلاف درهم بنقول ومن غير ان عنده ولد متزوج
وبعدين مبينة الصورة ان البيبي في صحة ما شاء الله تبارك الرحمن يعني مب ضعيفة علشان الواحد يقول ان ما يغذّيها، بس الظاهر ان الاخوان ما نظروا للحالة عدل والدليل ان الاخت قالت (وعدم ابلاغ الشرطة تعد جريمة بحد ذاتها) ، وهو قال لكم بالعربي ان هو بلّغ الشرطة أول ما حصّلها والدليل ان الشرطة بين فترة وفترة تطلبهم لأخذ أقوالهم وطلب فحص الجينات الوراثية (dna) يعني الريال أوراقه سليمة.
والله حرام عليكم تحرمونهم من بعض بعد ما تعودوا على بعض مب كفاية انها لقيطة بعد بتحرمونها من جو العائلة!!؟؟
وأنا اقترح انكم تخلون البنت مع هالعائلة وتزورونها بين فترة وفترة وتشوفون أوضاعها، أحسن من انكم تحرمونهم من بعض، واطلب تحويل القضية الى شيوخنا الله يطوّل بعمارهم للحكم في أحقية الحضانة.. وجزاكم الله خير على هالطرح