التيلفون سبب للحوادث - صح - مب مشكله يخالفون اللي يتكلم او تتكلم في التيلفون
ربط الحزام - مب سبب للحوادث لكن سبب للإصابات في حالة الحوادث - في الخبر قال من اسباب الحوادث عدم ربط الحزام!!!! لا تعليق
المكياج - سبب للحوادث - اتفق مع هالشي اذا الحرمة تمكيجت اثناء السواقة - بس ما اعتقد انه فيه وحده تتمكيج الا اذا كانت السيارة واقفة
أما الشيلة ؟ سبب للحوادث؟؟ ممكن ! بس شو يقصدون ؟ بيمنعون النساء من لبس الشيلة؟؟ هذا اللي ناقص - ترا حتى رياييل وايدين يعدلون غترهم و اللي يعدلون الكرفتة و هم يسوقون و البعض تلقاهم ياكلون و يشربون شاي وهم يسوقون ..
بصراحة انا اشوف انه التزام النساء افضل من التزام كثير من الشباب و سواقتهن احسن بواااايد عن سواقة وايد من الوافدين اللي ماتعلموا السواقة الا في الامارات

على فكرة انا نادر ما اشوف حرمة تتكلم في التيلفون وهيه تسوق - لكن الاسيويين حدث ولا حرج و تلقاهم يشاوحون يمين و يسار و ماخذ عقلهم التيلفون