الامارات بلد الخير المفروض مايكون فيها أي متسول، ما اقصد انه مافيها محتاجين طبعا، اكيد فيه محتاجين و فيه فقراء، لكن اللي أعرفة و من خلال معرفتي الشخصية بأخوة في جمعيات خيرية اقدر اقول انه المفروض مايكون فيه متسولين، لأنه الجمعيات الخيرية اذا قصدهم شخص محتاج يدرسون حالته و اذا اقتنعوا بجدية طلبه يساعدونه و يكرمونه، والله يجزيهم خير في الجمعيات الخيرية ماينظرون لجنسية الشخص مواطن او وافد، لانهم يساعدونه كإنسان. و بالتالي أي متسول اذا كان فعلا محتاج ممكن يتم توجيهه لاي جمعية خيرية، و هذا بيكون افضل له، واللي يقول انه مايبغي يرد سائل وانه يبغي يفعل خير بكل بساطة يدفع للجمعيات الخيرية لأنها الطريق الامثل انه توصل الصدقات لمستحقيها مب للنصابين، صحيح انه الاعمال بالنيات لكن لما تروح الصدقة لنصاب ينحرم منها محتاج.
و مثال السيدتين اللي حط لهن ورقة يشرح فيها حالته، كان ممكن اي وحدة تتصل على 101 و تسأل عن رقم هيئة الاعمال الخيرية و تكتب الرقم على ظهر الورقة و تردها عليه و بتكون قدمت له مساعدة اكثر من اللي طلبها...