ظاهرة حمل الكاميرا بيد الفتيات

[متو]

بصراحة ماتوقعت في حياتي إني رح اناقش في هيك موضوع
لأني جدا استغربت منه
ظاهرة المصورات اللي على قولة صاحب الموضوع
اللي للحين مب قادرة أتخيلها ظاهرة
أولا حابة أتكلم عن الأدلة القرآنية و الأحاديث اللي حاطينها على انها دليل مقنع لهذه الظاهرة أنا أقولكم لا تفتون على كيفكم
يعني إذا انتوا شفتوا وحدة تصور في مكان مختلط لا تطلقوا أحكام يمكن تكون ظالمة لها لأنه الله سبحانه وتعالى يقول {يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ }[الحجرات: 12].
يمكن هاي اللي تصور في مهمة هاذي وظيفتها أو هذا تخصصها الجامعي مجبورة تسوي هالشي
بتقول شو اللي مكلفنها تخصص هالتخصص وانا أقول هذا ميولها وهي شايفة نفسها في هذا المجال
وبعدين باجي التخصصات مجالها مختلط حتى التدريس نفسه مختلط ماتكلم عن المدارس أنا أتكلم عن الجامعات و الكليات
يعني مابقول لا خلاص مختلط مارح أدرس لا مارح أشتغل .. الدولة مب مكلفة تلبي لنا رغباتنا كلها الأماني شي و الواقع شي ثاني
وثانيا تعليقي على الرقاصات..ليش الرقاصات بس في المراقص و أونة في مكان ساتر يسترون أعمارهن .. تر القنوات الفضائية متروسة و مليانة من هالرقاصات
في بنات اماراتيات أثبتوا نفسهم في هذا المجال وهم مب بس مفخرة لأهاليهم مفخرة للدولة بعد وهم ما يسوون شي غلط
وهالنجاح تراه توفيق من رب العالمين مصورة اماراتية محتشمة في لبسها تشتغل في قناة معروفة قناة أبوظبي للحين محافظة على احتشامها في تعاملها و لبسها
حققوا نجاح باهر يرفع راس الدولة يعني ماشوف انها توطي الراس
تر حتى البنت اللي مطلعة شعرها أشرف من المنقبة نفسها
وفي النهاية بقول و السموحة على اللي بقوله تر المجتمع تغير فكريا لين متى هالتخلف ؟؟
والنقاش في هالموضوع ماله داعي من الأساس
والسموحة