امممممممم
انا قريت كل الردود و كل واحد قال رأيه الشخصي
و استغربت الهجوم من البعض
اولا اشكر اخوي ابو عبادي عالطرح
انا بتكلم عن نفسي :
الحين التصوير يكون فالاماكن العامه ، اوكي و الاماكن العامه ايكون فيها شباب و رياييل .. يعني من الصغير لين الكبير و من الجنسين
وليش ما نحاسب الشباب لان الشباب لما ايوون ايصورون بيصورون في مكان يكون الحضور للرجل اكثر من المرأة كيف اتبانا انحاسبه و هو وسط الرياييل مع انه يكون بالزي المتعارف عليه ..
و المرأة او البنت جان شلت كامها دشت من بينهم ... ما تروم ... يعني مو كل مكان اتشل كامها تدخل عسب اتصور ...
انا مو ضد فكرة البنت انها ما تنمي هوايتها و لا تدفنه ... لكن ايكون ضمن حدود و خطوط ... هوب لازم اتكونين فالصدارة اكتفي بالقليل و تراج انشهرتي انشهرتي ... و الناس عرفوج ...
اعترف و اقوللكم انا انسانه احب لا بل اعشق التصوير ..... و لكن الحياء اللي فيني و معرفتي و يقيني اني بستحي اني اخالط الرياييل او اني اتواجد في مكان عام اذا حبيت اواضب على هاي الهوايه لازم ما اقول لازم يمكن اني اتخلى عن بعض الاشيا عسب اقدر اني ادش من بين الرياييل و احافظ عالهوايه اللي احبها ...
و دام ما بيكون التصوير هي الهوايه الوحيده اللي اتقنها ادور عالهوايات الثانيه اللي اقدر امارسها ابعيد عن الناس او اكون في جوي الخاص و ضمن النساء و يا كثر هالاماكن و ترى الكل يشجعهن و الاعلام كذلك ...
انا اتخليت عن هواية التصوير و لكن مو بشكل كلي امارسه ولكن في اماكن معينه ... ترى ما اقدر اسير اي مكان و اذا شفت شي عيبني قمت صورته مع انه اتكون عندي الرغبة القوية اني اصور و لكن المكان اللي انا فيه ما يساعد اني اصور و خاصه احيانا لما اتبون اتصورون صور فنتك و لها لمسه خاصه و مميزة لازم اتكون لها حركه معينه انك اتطلعها بشكل رائع و مميز و لو بقول لابوي و لا اخوي تعال صورلي الشي الفلاني او المنظر الفلاني مابيروم ايضبطها شرا ما ابااا ....
هوايه مارسيها و لكن فالمكان الصح و لو تبين نجم يلمع ترى بتلمعين و ان كنتي بصندوق مسكر ....
انا مابي اطول مع اني طولت و احس اني ما وفيت خاطري بإبداء رأيي بالكامل و لكن ... شرا ما كل مهنه لها ناسها ... انا اشوف التصوير تناسب الشباب اكثر
اشكرك اخوي ابو عبادي عالطرح
دمت و دمتم بخير و محبه ^^
