كان فيه شعار يتم ترديده في مناسبات اسبوع المرور في الماضي و هو ( القيادة فن و ذوق و اخلاق )، لو كل سائق تقيد بهذا الشعار انا واثق ان الحوادث و الزحام والمخالفات بتقل، لكن للأسف اللي ينقص معظم السواقين هالايام ( الاخلاق - و الذوق ) و يتحسبون انه التجاوز من كتف الطريق او السرعة في الاماكن المزدحمة او حتى السواقة بسرعات منخفضة جدا على الطرق السريعة فن مايدرون انه الفن انه الواحد يوم يسوق السيارة طريقته في السواقة تساهم في انسيابية الحركة المرورية بدون سرعة و بدون حركات تتسبب في عرقلة السير، الواحد يوم يسوق بطيش و تهور و مايسوي حادث يتحسب انه فنان ما يدرك انه غيره هم الفنانين اللي قدروا يتوقعون اخطاءه و حاسبوا عن يدعمونه