رد مع اقتباس
{ وما تدري نفس ماذا تكسب غدا وما تدري نفس بأي أرض تموت }
,
إنا لله و إنا إليه راجعون
,
لو نسأل كل أحد .. كل شااب و كل بنت الحين
شو "تاريخ ميلاده" بيرد ,
بس اسأله : "تاريخ وفااتك" كم !!؟؟
متى و أي يوم و بأي سنة !!
و متى ناوي تصحى و "تستعد" !؟
,
21 سنة
يعني أصغر منا !!
و ياما مواقف يتنا و نجانا رب العالمين و شفت المووت !!
و حمدت الله و بحمده و بتم , اني اهتديت , ما مر علي موقف إلا زادني على هالتمسك إصراار و حماس أكثر .. و ما زادني إلا همة , كيف و أنا أذكر أهلي و أعرف انهم و بعض ربعي ماتوا و هم بمثل عمري و أصغر على اللي كانوا علييييه لا صحوا قبلها ولا تغيروا ولا اتعظوا !! , و بقيت أنا بعدي على الأرض و نجيت !!
,,
كل مرة برد هالرد ..
أكثر شبابنا يطيلون الأمل !!
يمدوووون لعمرهم و يحلمون و تلقاهم في "دنيا" يلعبوون !! , و تلقى بعضهم له اللهم فقط "كم يوم" .. و موعده القبر , و "قيامته" الحين بتقوم !!
,,,
هالشاب الله يرحمه و يغفر له و يثبته عند السؤاال ..
ربعي موحدين صوره بالبلاك بيري و الرسايل توصل و يترحمون و دعااوي .... و عقب ثواني هم نفسهم .. تابع و شوف بس رسايلهم !!! ...
فطال عليهم الأمد
فقست قلوبهم
و كثير منهم فاسقون
يوجع كلامي ,
بس والله أتكلم في واقع و مصيبة تشهد عليها عيوني !!
و وفياتنا هالاسبوع مب واحد فقط .. هم عدة شباب !! , ولا ليش أجتهد بهالرد !
و الدور يلف .. و ياينا عقبهم ..
محد أحسن من حد ,
عسى الله يغفر لهالشاب و يصبر أهله و ناسه و يعينهم على مصابهم ,
و السموحة
