والمشكلة أنا ومعظم الأعضاء نكتب ردودو على خبر في نبض الوطن أو الخليجية والعالمية ..
أكتب الرد أول الصباح مايحطونه إلا في الليل
يعني الخبر اصبح قديم وبايت والذباب إللي فوق الخبر أكلوا وطاروا ..وفي الليل يحطون الرد ..
والخبر أو الرد مايستاهل كل هالسرّية ..يعني خبر عادي
مثلاً : تمساح ينقض على أوروبي في أستراليا
يعني مادخلنا في سياسة دول ولا سبينا شخصية من الشخصيات
حتى إني ماقمت أدخل منتدى الرمس
من القوانين إللي بدون معنى ..
لاحظوا أكثر الاخبار ..يوجد رد واحد .. هو رد الأخت نبض انسان ..
يمكن لأنها كشفت عن شخصيتها ..
مع إني قلت لهم : أنا الحالم ولد حلام وأمي أحلام .. وساكن شارع الأحلام السعيدة
على يمين محمصة قصر الأحلام
ولكنهم قالوا : دمّك خفيف .. مايضحّك ..
حتى مجلس الأخبار : اصبح قسم ميت ..والردود اصبحت نادرة ..
لو قلنا خبر سياسي ومايبونا نرد ..بنعذرهم
ولكن خبر مثل : بريطاني يقتل زوجته أو ألمانية تلقي بطفلها من الطابق الثامن ..
مايحتاج كل هالقوانين والتصاريح وكشف الهوية ؟؟؟؟؟؟
إذا عضو من الأعضاء أخطأ ,مب معناته أن الكل يكتبون أشياء مب زينة ويجاوزون مقص الرقيب ..
راقبوا إللي يحط خبر جديد سياسي .. أما الردود العادية .. ارخوا الحبل شوية ,,يعني نح نحوا شوية ..لأننا فقدنا ردود رائعة لبعض الأعضاء المتميزين مايحتاج أذكر أسماؤهم لأنهم كثيرين ...
وأنتوا يا الإدارة ع كيفكم .. قبل ماتفقدون الأعضاء وبالتالي يفقد المنتدى بريقه و رونقه وبهاؤه .. وايد تكلمت ..ولكن لصالح المنتدى ..
شوفوا فيلم تايتنيك ..وبتعرفون مغزى من كلامي .. هههههههههههههههههه