السلام عليكم ورحمة الله وبركاته
بسم الله الرحمن الرحيم
اخوي حلم انه كان يمشي مع صديقه اسمه حسن داخلين المسجد على صلاة المغرب شافوا الشيخ سلطان بن محمد القاسمي شيخ امارة الشارجه
الشيخ سلطان يقول لصديق اخوي (حسن) عندك خمسين عشان اعطيك الباقي
كبر الامام للصلاه واول ما ابتدت الصلاه الشيخ سلطان حط ايده بجيبه وطلع خرده الباقي ل حسن وهم يصلون عطاها ل حسن تقريبا 40 درهم
واول ما خلصوا صلاه الشيخ سلطان عطاهم ورقتين صغيره قالهم اكتبوا اللي تبونه قاله اخوي تعبنا واحنا نكتب مافي فايده محد يسويلنا شي قالهم انا بوصلكم لرئيس الدوله واتكلموا كتبوا الاثنينه كل اللي يبونه وسار اخوي بس مع الشيخ سلطان بالسيارة مع ثلاثه من حرس الشيخ وصلوا بوظبي وقالولهم الشيخ عنده اجتماع وطلع واحد من الحراس قال للشيخ سلطان هذا اللي معاك من طرفك قالهم الشيخ هيه وركبوا اصانصير وراحوا فوق عشان يقابل الشيخ شاف اخوي واحد من ابناء الرمس امه مريضه للعلاج خارج الدوله سأله اخوي عن امه اذا صحتها تحسنت او لا
علما اخوي متزوج ولديه ابناء وعليه ديون كثيره وقدم بأكثر من جهه وماحصل على رد من فتره طويله
وايد تتكرر معاه احلام الشيوخ بس هالحلم وايد لفت انتباهه
مشكور بو فيصل في ميزان حسناتك يارب
