هل ارفضه

[درب المعاني]

مممم الزواج شي عظيم فهو نصف الدين فله اجر عظيم

نصيحتي من خبراتي البسيطة فالحياه هع

صلي استخاره ها اهم شي فالحياة خاصه يوم تكونين محتاره انا ندمانه في بعض مراحل حياتي اني ما صليت استخاره

وثاني شي لو تزوجتي لا تستهينين فعقد الزواج فعقد الزواج حطي طلبج وشرطج انج تكملين الدراسه الجامعية او التقنية لان ها يعتبر مستقبل كل انسان . وفيها يقدر يعز بنفسه وما هي الدراسه الجامعية الا ايام معدوده وسنتنهي .. مثلا ادرسي فالجامعه تخصصات تخلصين بسرعه من الجامعه ع الاقل 3 او 4 سنوات المهم يكون عندج ضمان لمستقبلج المجهول . بس حطي خطة وافكار للمستقبل المجهول .

ما ادري لو انتي اتابعين مسلسلات بس انا تعلمت من مسلسل بين الماضي والحب بنت جامعية وتحب الدراسه وباجي الها كم سنة وتتخرج وزوجها وعدها بس بدون ما كتبت فعقد الزواج انها تبغي تكمل لانها واثقة بالانسان وهو زوجها وكان الانسان خذولا المهييم وبعد الزواج ضربها وصار انسان ثاني وما خلاها تكمل الدراسه .

وشفت فلم انجليزي البنت كانت من الاوائل وشاطره ملت من الدراسه تقول شو الفايده بتزوج وخلاص لان عندها حبيب وعدها بالزواج فتركت الدراسه (وانا بعد قلت جي صدق شو الفايده ملييت من الدراسه ولاني مثلكم ما كملت الفلم) ويوم قربت الخطوبة عرفت البنت ان هالريال طلع متزوج قبل خبرت اهلها وهيه تصيح وندمت الساعه اللي تركت فيها دراستها وانها تتمنى تدرس وتدري ان النصيب بييها ويوم بكون عندها الشهاده الكل بيحترمها .

وقصة اخيره قصة حقيقية لاحد اصدقائي ان خالتها تزوجت واحد وكان معروف عند الكل بادبه ولكن كان عكس ما يظهر كان يضرب زوجته وعياله باقسى الضربات لدرجة ان احد بناته توفت وبعدها طلبت الطلاق وهو الحل الصحيح بهالموقف لانها صبرت وااايد وبعد الطلاق الحمدالله انها كانت خريجة جامعيه استغلت تعليمها باختيار وظيفة مرموقه والحين هيه الام والاب لعيالها .

واللي تقول بعد الطلاق الدولة تصرف صح بتصرف بس كم بكفي لطلبات ابناء الجيل القادم !!

المهيييم هناك قصص كثيره ناس ما نجحو بحياتهم الزوجية بس هناك ايضا قصص كثثر حلوه لناس ما كملو دراسه مثل امهاتنا الاوليين بس نجخوا بحياتهم الزوجية واخرجوا جيل مثقف .

بس بما ان نحن الجيل اللي ما خضنا هالمرحلة تزيد عدنا الاحتمالات بس لازم نكون مستعدين لكل الاحتمالات .



وها من رآآيي الشخصي .. وسامحيني لو طولت علييج وترى بالنهايه القرار بيدج