ســـــــــلام الله عليكــــم ورحمتــــه وبركاتــــــه
مساكم الله بالخيروالصحه والعافيه
بــــــدايـه
--------->> دعاء من القلب إلى القلب <<----------
::..:: ياواهب الانسان اسباب الهدى ::..::
::..:: يـــامن بحمد العالــمين تـفـردا ::..::
::..:: لي عند بابك دعوة فيها رجــاء ::..::
::..:: احشر اهلي واحبابي واعضاء الرمس نت تحت عرشك سجدا ::..::
::..:: ثم اسقهم بيد الحبيب محمدا ::..::
::..:: مــاءا هنياءا سلسبيلا طيـــبــا ::..::
============================================================ ====
طبعا لايوجد ماهو أجمل وأفضل وألذ من التمتع بالطبيعه الخلابه التي أبدع الله سبحانه بخلقها (من بعد حلاوة الإسلام وعبادته)
فسبحانه تعالى خلق فأبدع
معروف للكل طبيعة صلاله الخلابه وكأنها جنة الله فالأرض، فإن شاء عز وجل راح أعرض لكم بعض الصور لي إلتقطتها ونحن هناك ^^ وأتمنى تعجبكم وتنال رضاكم ((والسموحه ع جودة التصوير لأنها من فونيـ))
بسم الله نبدأ
طبعا قبل مانوصل صلاله كانت لنا وقفات بسيطه في كذا ولايه للراحه وللأسف دائما أنسى الأسامي فأعذروني
وقفنا في منطقه (ماعرف اسمها ^^ هههه) عسب انريح ولما نشينا الصبح عسب انكمل دربنا وقفنا في هالمول اسمه (( اللولو مول)) وكان كبير وايد يمكن يصل طوله أكثر من كيلومتر ووايد حلو وأمرتب حدرناه عسب ناخذ حق الدرب سوا ريوق سويتس وغيره وصورت كم صوره وفجأه ياني عامل يربع قال لي ((مدام ممنوأ سوي سوره ^^)) قتله اوكي سوري ههههه بس لقطت هالصور
طبعا أنا خذتلي (Fruites salad) ومشروب (Frutz) ^^
وطبعا لازم خرده بعملتهم لأنه أكتشفت أنه وايد محلات ماتقبل عملتنا لازم عملتهم
والحين بخليكم مع مجموعه بسيطه من الصوره وأكرر السموحه ع جودة الصور لأنها من فوني وع السريع ^^
هني لقطت صورة هالنعكبوت وهو يفترس يراده ^^ سبحان الله والحمدلله ماعدنا هالنعكبوت لأنه حجمه وايد كبير بس الله أيخلي الزوم ويرحم من أخترعه ههههه
وهذي صوره لعين (جرزيز) ع قولة أخويه عين (جرجير) هههههه
وطبعا سوق الناريل لاغنى عنه ^^ لازم يوميا كل عصر ومغرب أو عشى لازم أنمر على هالسوق ونشرب ناريل ماتحلى السيره عدنا إلا بهالناريل سوا الشرب ولا اليابس للأكل ههههههه
هني أخويه ماشاء الله عليه ماتسده وحده ^^ لازم ثنتين أو أكثر
والحمدلله كانت من أجمل السفرات لنا حيث أني ولله الحمد استمتعت بهالمناظر والطبيعه الخلابه
وطبيعتي أني أحب المناظر الطبيعيه لما لها من تأثر إيجابي في نفسي وتجلب لي الراحه والهدوء والسكينه وبعيده كل البعد عن المولات والزحمه ^^ فـ عسب جي أحب صلاله
والسموحه منكم
----> خاطره <----
::..:: تذكر دائما وانقشها على قلبك ما دمت حيا ::..::
::..:: كــن لله كــما يــريد يكــن لك فوق مـا تــريد ::..::
::..:: الكل يريدك لنفسه الا (الله) يـريدك لنفسك ::..::
::..:: وحـــدث بــفــضـل -> (( الله )) <- وافــــرح ::..::
::..:: واذا انـــتــابـك الــعــســر فــلااا تـــســـرح ::..::
::..:: واذا انــتـــابـــك الـــيســـر فــــلاااا تــفــرح ::..::
::..:: واذا مــــســك الـــضـــــر فــــلاااا تـــكـــره ::..::
::..:: ورتـــــلـ بــالــحـــبـ ::..::
::..:: ألــــمـ نـــشـــرحـ ::..::
رد مع اقتباس
