السلام عليكم ورحمه الله وبركاته ..

ياهلا ومرحبا بنورا راك..

نبض إنـسان ..
وعليكم السلام والرحمة .. ويا هـلا بج بالمليون


هاى ضيافتى لج اختى كاب كيك الفراوله ..



وها القهوه الى علا المزاج..




أشكرج ع الضــيافة .. خاصة القـهوة .. ^_^
.....

يالله نبدأ على بركه الله..

يالله .. بســم الله .. نبدا ..

نورا السبب وراء عشقك لطرح المواضيع فى قسم المناقشه..؟؟

بشكل عــام وبأي منتدى يكون قسم النقاش من الأقسام المفضلة عندي .. يمكن لأني بطبعي أحب أناقش القضايا بأنواعها المختلفة ..
هذا إلى جانب مما أرى أن القسم في مجالس الرمس مختلف ، فهناك إهتمام للنقاش الجاد .. وهذا مطلبي .. ^_^

....

شو هوايتج المفضله ولى اتحبين اتمارسينها للحين؟؟؟

امم .. هوايـات.. القراءة طبعاً وأنوع فيها ، متابعة المباريات ولكن خفيت شوي هالفترة .. ^_^
وأكيد الحواطة في الشبكة العنكبوتية
السياسة وعلومها ..

....

خبر مفرح تعرضتى له ؟؟؟

والله وايــد .. الحمد الله ..

بس خبر بجيت فيه من الفرحة .. لما اتصلوا لي من الجامعة حتى أروح أستلم مصدقة حصولي على درجة الماجستير ^_^
لأنــي فعلاً عـانيت طول فترة الدراسة والتحضير للأطروحة .. بسبب الدوام .. أخبث عنهم ما قابلت بحياتي . ^_^

....

اذكريلى موقف صار معاج واتعلمتى منه درس؟؟

مم موقف حزين .. لا لا لا ..
خلنا عالكوميديا أحسن ..

أيام الجامعة كان عندنا معمل في كلية الشباب ( المويجعي ) .. وطبعاً ننتظر في موقف الباصات حتى يتجمع الكل .. أنا كنت مريحة وياية من السكن ومتغدية وكوول عالآخر .. وسماعات وأغاني هندية واتمدغ كيلو لبان .. ^_^
وباقي البنات الأغلب كان عندهم معمل ثاني وتعبانات ومب طايقات نفسهن .. عاد أنا قمت أنكت على هذي وعلى ذيك . والكل نظراته ما اتطمن ^_^ .. اكتمل العدد وصل الباص .. بنت قبلي كانت عبايتها طويلة قلتها وهي تصعد الباص .. شوي شوي رفعي عباتج بعد مب ناقصين اتطيحين وتفشلينا.. عطتني ذيك النظرة وتوكلت ..
أنا بعدها .. الدرج الأول .. الثاني
بــــــوووووووم
طحت بويهي طيحة .. أعوذ بالله منها ..
راعي الباص يحليله .. سلمتي سلمتي شي صابج ..
وانا من الاحراج ما اعرف شقول : لا لا ما فيه شي Im ok ^_^ أي أوكي أي خرابيط .. إلا مفتشلة حدي ..
وصلت للبنت اللي كانت قبلي .. وقلت لها : على قولة عبدالناصر درويش ( ما طار طير وانبطح ، إلا كما انبطح انتطح ) .. وكـل اللي بالباص نــقعوا من الضحك .. مع السايق ^_^

بعدها .. أبــد قررت ما أتثاقل على حـد .. تـــوبة

....


نبض انسان شو رايج فيها ؟؟

إنسانة رائعــة .. نشــطة .. ومميزة في ردودها التشجيعية والمحفزة للجميع .. ربي يحفظها ..
...

سفره تتمنين اتسافرينا الى أين ؟؟

كــوريا .. الجنوبية أكيد ^_^

........
اكثر ماده عشقتيها أيام المدرسه شو هى وليش؟

الأحيــاء .. مع اني مب شاطرة فيها .. لأنها المدرسة كــانت جـداً رائعة .. أقدر أقول عنها .. أمــ ..مع صغر سنها

ارمسى عن نفسج بختصار نورا راك منو ؟؟

أوكي باختصار :

الاسم : نورة ..

العمر : ( 6 * 10 / 2 ) + 5/5 = ؟

ضمن أصحاب ( الهجرة الداخلية ) .. للعمل

أكثر من يهمني أهــلي .. أحــب الحياة .. أحــب المغامرة بس بعقلانية .. ^_^ .. عندي أحـلام كثيرة .. وساحققها بإذن الله ..



واتمنى بأن أكون خفيفه ظل عليج ...

بالعكس خيــتو .. استانست معــأج .. وأنا آســفة طولت عليكم .. ^_^

[/quote]