موضوع حلو ويستاهل الطرح

واسلوبك فالطرح مقنع

الموضوع يستاهل النقاش من ناحيتين

بتكلم من وجهه نظري الشخصيه ان كلامك صح 100%

بس عندي ملاحظه بسيطه ان في نسبة من الشباب يحكمون ع البنات لمجرد ان البنت مب مغطيه ويها

وبالنسبه الهم ان هالبنت كاشفه ويها ومب محترمه المجتمع اللي هي موجوده فيه

اعتبر ان هالتقييم غلط لان مب كل وحده متغطيه من فوق لتحت اسود بأسود هي محترمه وملتزمه

في اماكن تفرض على البنت انها تتغشى او تتنقب مثلا لو رايحه عرس او سوق بنظري اولى انها تتغطى وخصوصا اذا في نسبه شباب فالمكان اللي بتروح له

اما طالعه مع ريلها وعيالها وكافيه خيرها شرها لا حاطه شي فويها ولا لابسه عباه تلفت واريح الها انها ماتتغطى اذا كانت بتلعب اليهال ولا بيدخلون السينما

ولا رايحين مطعم اظن صعب انها تركز وتكون ماخذه راحتها

اما المكياج والعبي اللي شرات مال الااعراس برايي مبالغ فيها ومالها داعي


واستغرب من الرياييل اللي مايغارون على عرضهم ( تراهم مب بضاعه للعرض ) عسب يطلعون وياهم وهم متعدلات


وعن معرفه شخصيه وحده من ربيعاتي اطلقت من ريلها لانه يباها تطلع وياه وهي متعدله ومطلعه شعرها ومن بعد الحاح منه رفضت وطلبت الطلاق مع ان


بينهم عيال الله يهدي الجميع ان شاء الله ....



الله يعطيك الف عافيه اخويه ع الموضوع