صدق عندما قال المطرب الهندي بنكاج : زمانا خرابهي
يوم أدخل محل العبايات أحس إني داخل غرفة تبديل ملابس المهرجين,,في عباية فيها رقعة جلد النمر والثانية ريش الغراب والثالثة على الأكتاف مسامير قراندايزر والرابعة بحزام ليكون الجزء الخلفي واضح وبارز والخامسة كأنها فستان سهرة مب عباية ,,,
وعبايات بألف وألفين و3 آلاف درهم,وكل شهر لازم عباية إما بمناسبة العيدين أو عرس بنت خال عم جدة أمها,,والزوج مجرد صراف آلي متنقل ,,أو هي تشتغل وماتعرف وين تودي فلوسها ,,ومرة وصلت وحدة من الأقارب الكلية وأشوف وحدة تنزل من السيارة والعباية تطير وكأنها سوبر مان وهي لابسة جينز وفانيلة شفافة نوعاً ما والثالثة رابطة خصرها وشكلها كأنها نملة ,,
ويوم تسأل الوالدين يقولون لك فترة المراهقة وبتعدّي,ويوم تكبر بتعقل ,,زين وإذا استمرت وتعودت على هاللبس ؟؟؟
مانلوم راعي المحل سواءاً كان خان أو كان بنغالي ,,لأن الجمهور عاوز كده,, المشكلة أنهم غلفوا الفسق والتبرج بغلاف زاهي إسمه التطور والرُقي والكشخة وكيوت و برستيج ..!! صدق بنكاج يوم قال : زمانا خرابهي