خريــــــجة مــــواطنــــة غلبتــــهآ الواســـــــــــطة

[mustafa8588]

وهل بضمن الشغل ؟! بنكممل لكن الله المستعان

كل علت شهادتك الدراسية زادت فرصك اكثر
السالفة موب واسطة انا الحين اداوم بنفس الوظيفة و نفس الراتب و نفس المسمى و على نفس الكرسي من 5 سنوات
و السبب موب الواسطات
الوظيفة هدي كان مطلوب شخص مخلص ثانوية و انا يوم قدمت كنت مخلص ثانوية
الحين انا مخلص بكالوريوس لكن مازلت على نفس الوظيفة و الراتب و المسمى الوظيفي لانه بالاصل هدي الوظيفة لحملة شهادة الثانوية موب للجامعي
انتي ممكن تكوني قابلتي على وظيفة لحملة الثانوية و انتي عندك بكالوريوس فما يعطونك اياها لانك بتكوني over qualified
و نصيحتي لك اذا تبين شغل مناسب للحريم و مطلوب جدا ادرسي هندسة ديكور او تصميم داخلي لانه وااااااااااااايد مطلوب

[حلاتي شامسيه]

تعبتنا الواسطه والي ما عنده احد
شو يسوي

بارك الله فيك على الموضوع القيم والمميز

وفي انتظار جديدك الأروع والمميز

لك مني أجمل التحيات

وكل التوفيق لك يا رب

[راكيه ربشه]

الوزارات والدواىر الحكومية موقفة التوظيف من زمان....القطاع الخاص فيه فرص وظيفية بس يبالها صبر ومثابرة


سجلي بهيئة تنمية للموارد البشرية عن طريق الرابط التالي http://www.tanmia.ae/




ينصح بالحصول على درجة البكالوريوس فما فوق في الوقت الحالي

مرااحب اخوي.. ^^ لا مب موقفه توظيف وانا عرفت ناس توظفوا بواسطه ... لا قالوا التوظيف موقف ولا شي بس لأنه عندهم

فيتامين واو ... وهالشي بذمتهم.. هلكت من اروح لكن لا حياااه لمن تناادي .. والتنميه مسجله فيه من 3 سنين يعني من ايام الثانوية وما شي فايده

الله يعين الجميييع ..وجزييل الشكر على ردك الطييب .... يعطيك العافيه

[راكيه ربشه]

صورة تحاكي الواقع .

هيه والله تكفوون واسطه هههههه .. الله المستعااااااااااان .....

الف شكرر على مشاركتك الطيبه =)

[راكيه ربشه]

الله كريم

هيه نعم الله كرييم.... واشكرررك ع الرد ...

[راكيه ربشه]

الحقوق مأكولة ...

كلمات قليلة تخفي الكثير من المعاني ...

جزيييل الشكر ع المشاركه الطيبه ..

[راكيه ربشه]

أشكرج على طرحش للموضوع لأنه بصراحه في الصميم
وأنا عارف الجهة التي تدربتي فيها من كلامج
صحيح يوجد بها شواغر ولاااااااااااكن فيها ناس مايبون غير الشخص الي يناسبهم موب شهادات وخبرات
ولاكن رحمة الله فوق كل شي
فالفترة الأخيرة سعينا لبعض الزملاء والزميلات التي قمن بالتدريب معنا لنشاطهن وحبهن لعملهن وإخلاصهن صحيح يمكن البعض توضف عن طريقنا ونكرو هالمعروف فينا ولاكن البعض لم يحالفهم الحض ولاكن حسوا بالجهن اللذي قمنا به بالسعر لإيجاد وظيفه لهم
وإنشاء الله تحصلين وظيفه مناسبة وفي حال وجدنا شواغر في أي جهة أو مؤسسة حكومية سندلك عليها
مع خالص شكري

ياااا هلااا.. كأنه المكان الي تقصده صحييح... صراحه شفت وايد شواغر موجوده بس الواسطاات وايد وايد وايد وايد وايد في هالمكان
وخاصه الي مسوؤلين عن التوظيف ما عندهم مصداقيه مع الناس ابدا.. كله كذب ... وانا شفت ناس ما عندهم شهادات ويالسين
ع الكراسي الاتحاديه وهم ما يستحقونه لأنه بهالطريقه خذوا اماكن ناس درسوا وتخرجوا بس طبعا كل شي محاسبين عليه والله العالم ويعرف كل شي يدوور .. مب بس في هالجهه .. كلهم تقريبااا .. وانا كنت حابه اشتغل في هالمكان بس كرررررهته من خااطري
لأنه احس كله واسطه ..ما شي ابدااع... وايد ناس ما يلتزمون بمواعيد الدوام.. وفي الاجتماعات اونهم يقولون الالتزام بالوقت وغيره وانا اشووف كل شي عكس ونفاااق.. صدق الله يعيينهم... لأنه الله يمهل ولا يهمل... وانت سعيت وما قصرت ويا البنات وما عليك منهم سوي خير وعقه بحرر.. اهم شي نيتك طيبه وانك سعيت لهم بس اهم شي يكونوا عندهم شهادات ويستاهلون المكان...

اشكرررررررك جزيل الشكر ع هالمشاركه الطيبه وع الصراحه الجميله... هذا يدل ع اخلاقك الطيبه.. يزااك الله الف خيررر
يعطييييييك العافيه ..

[راكيه ربشه]

يقال أن الرزق يطلب صاحبه
كما يطلب ملك الموت شخص بذاته
انصحك بأن تبدئي رحلة التغيير
قد نبحث عن الحلول أو الاسباب من الخارج
ولكن الحل يوجد لدينا في ذواتنا
الله عزوجل يريد ان يلفت نظرنا لذواتنا
صانع المصباح جرب 9999 تجربة وعندما وصل الى 10000 اكتشف المصباح
جربي التغيير لتكتشفي ذاتك جربي ولا تيأسي
التغيير الذي سوف تجتهدين به سوف يولد طاقة جاذبة لما ترغبين به سواء وظيفة أو زوج صالح
الموضوع ليس موضوع واسطة وأنما الله عزوجل يريد لك حياة أفضل انت ادرى بنفسك
ما هي علاقتك بالله عزوجل كيف تظنين به وكيف تثقين به وكيف تتوكلين عليه
اتمنى ان لا ينشغل بالك بالوظيفة قدر انشغالك بالتغيير
والله يوفقك

مرحبا اخوي... الحمدالله عندي هالتغيير وانا فهمت قصدك بالطاقه الجاذبه .. كل شي نتمناه نحاول فييه بس والله صدقني ما جربت الحال
ما شفت كيف الابواب مسكره في ويهي .. والحمدالله ثقتي بالله كبيررره وظني به حسن ومتووكله لكن القهرر خلاني بس افضفض
واكتب هالموضووع لا غير .. ويووصل صووتي للكثيررر..

جزيل الشكر ع الرد ,,

[راكيه ربشه]

[align=center]ههههههههه[/align][align=center]

عادي عادي فديتج هدي اعصابج ... اعنبو توج تدرين انه فبلادنا ماتمشي امورج إلا بالواسطه؟؟

وبعدين انتي كم شهر وجي ياج احباط؟؟

هههههههههه فديتج انا بكمل 6 سنين الحين وعلثتهم نبي آيلتس وتوفل ووافل وكرميل ههههه وكملي بكالوريوس وماستر وجراند ماستر بس عسب فالأخير اداومين للعصر ومعاش 4000 ربيه[/align]

مراحب اختي.. يالللللله 6 سنييين ... الله يعيييين صدق .... كنت ادري واسطات بس مب لهالدرجه ما يعبرونا...
واايد المووضوع صار كبيرر.. وايدات عندهم ابداعات وطاقات ميلسات وميلسين في البيت.. والله حراااااام...

الله يسااعدناا ونتغلب على هالامووور..

اشكرررررررج ع الرد عزيزتي ..

[أبوي زايد]

أختي قدمي على هالايميل meissa@guardian.com

هاي شركة سعودية ألمانية للزجاج مكانهم في المنطقة الحرة في الجزيرة الحمراء..

محتاجين مواطنين للتوظيف ولازم اللغة الانجليزية..

رواتبهم ممتازة مو 4000 أو 5000 لا أعلى وعلى حسب الخبرة والشهادة..

دوامهم من 8:30 لين 5:30 وأكيد عندهم بريك للغدا والصلاة ..

حالياً وظفوا مواطنة في الاستقبال وخريجة دبلوم من كليات التقنية برأس الخيمة..

وربي يوفق الجميع يارب..

والسموحة..