الزواج من غير المواطنات ظاهرة قديمة متجددة بحاجة لسن قوانين ( صور حصرية )

[@ مسك @]

هذا الموضوع شائك وصدق ماله حل إلا بسن قوانين بالإضافة إلى وعي الناس بأهميته .
الحين يلومون البنت ، أنا عندي خمس خوات متزوجات وخمس اخوان متزوجين عمرها العروس ما حددت المهر، الرياييل هم اللي يجتمعون ويحددون،، والله أغلب البنات مالهم ذنب ، يعني بصراحة تستحي تناقش أهلها بها المواضيع لأنه كلام رياييل في النهاية وصعب التراجع فيه. وعلى فكرة من خلال تجربتي يزواجات أهلنا يخلون العم أو الخال اللي يتكلم احتراما الهم وللأسف محد يراجعهم في كلامهم.. الشهر اللي طاف واحد من فريجنا خطب بنت وافدة تدرون عمه سوا فيه مقلب وقال لأهل العروس بنعطيكم امية ألف مسكين الولد انصدم ماقدر يقول شي واضطر انه يدفع!!!!!!!!!
أنا خواتي الخمس كلهم تعدلوا في راس الخيمة وحتى فساتينهم يعني ما اتشرطوا ولا طلبوا شي. وصديقتي سوت حفلة ملجة بسيطه في البيت اتصدقون المعرس بروحة قالها لا فضيحة بسوي حفلة ثانية في الصالة قالت له بعدين بتردها عليي وبتقول خسرتك!!! ويوم يعرسون اخواني يترسون بيت العروس هدايا بس بروحهم بدون ماحد يطلب منهم من باب العادات والكرم. احنا بصراحة في عايلتنا عندنا العكس الرياييل هم المسرفين والحريم مقتصدات وكله يضايجون منهم اذا اشتروا شي رخيص!!!!!!!!!!!!!
لوتحسبونها مقابل كل زواج من غير مواطنة في مواطنة بتعنس شو ذنبها ليش تنحرم من الزواج والأمومة والسبة فلوس ، والريال عادي مهما كبر في العمر سهل يتزوج وييب عيال بس البنت كلما كبرت قلت فرصة الزواج والقدرة عالإنجاب، وطبعا الأهل مايرضون يزوجونها غير مواطن، وحتى الشباب اللي ياخذون غير مواطنة غالبا يكون من غير رضا أهلهم مثل هذا راعي الامية ألف أهله ما كانوا راضيين مع إن امة غير مواطنه، واثنين من أهلي متزوجين غير مواطنة يوم كبروا عيالهم اتخيلوا رفضوا يخطبون لهم بنات امهاتهم مب مواطنات، استغربت منهم !!!
بالنسبة للشباب ما ألومهم المصاريف تكسر الظهر.. والشي الغلط عندنا انه المعرس ما يناقش موضوع المهر قبل الخطبة ويا أهله ويحددون كم ممكن يدفع ومنوا اللي بيخلونه يتكلم ويا أهل العروس عشان ما يتفاجأ مثل صاحبنا...
بس أنا أقول ليش ما يبادرون الشباب بالحل، خاصة اللي عنده خوات ، مثلا يوم وحده منهم تنخطب ليش ما يناقش أهله في موضوع المهر ويقنعهم انه مايطلبون وايد من الشاب المتقدم لاخته ، ويحاولون يدخلون البنت في الموضوع ويشوفون رايها ، وحتى لو تحاولون تفتحون هالموضوع دايما مع الأهل وقت اجتماع العايلة وتتكلمون عن سلبياته أكيد بيكون له تأثير، فتخيلوا لوكل شاب أقنع أهله بها الموضوع بينتشر الوعي بين الناس ولازم يتفاخرون أنهم صرفوا أقل التكالبف مب العكس. لازم كلنا نبادر بها الحوار.

[عسل الربيع]

صدقت كلامك عين الصواب اصبح مجتمعنا مجتمع التباهي والتفاخر للأسف للأسف الآن أهل الشاب هم من خلقو هذه المشكلة قديما الخطبه تتم بدون تقديم هدايا فاخره للعروس والآن ولتباهي والتفاخر والسمعة تجد أم الشاب ونفسه الشاب يغرق نفسه بالديون ليظهر أمام أهل زوجته بانه غير مقصر رغم عدم وضع أي شروط من قبل أهل العروس فما بالكم عندما تقوم أم العروس بشراء أربعه أو خمس أطقم ذهب بالإضافة إلى عطور وملبوسات غاليه فقط ليوم الخطبه وفي يوم عقد القران تأتي محمله هدايا بأربعة أطقم الآن بالله عليكم من هو المسؤول عن غلاء المهور للأسف هذا واقع نعيشه للأسف والسبب تبذير أهل الشاب ثم يعود الشاب ويقول غلاء المهور