هلا باكافتريا يازول .. حقو توضح اقاشي عشان اكيد اغلبية الناس ماعارفنو .. وعلى فكرة كلمة يازول بغض النظر اننا بنستخدمها عندنا في السودان فهي كلمة ليها اصل طيب من اللغة العربية .
فالزول تعني :

1- الكريم الجواد ، أنشد ابن السكيت لمزرد :
لقد أروح بالكرام الأزوال **** من بين عم وابن عم أو خال

2- والزول : الخفيف الحركات قال ابو منصور الثعالبي في حديثه عن الممادح والمحاسن، حين ذكر أطوار الإنسان : فإذا كان حركاً ظريفاً متوقداص فهو : زول.

3- والزول الفتى ، قال محمد بن عبيد الله الكاتب المشهور بالمفجع يمدح عليا رضي الله عنه :
أشبه الأنبياء كهلاً وزولا ً**** وفطيماً واضعاً وغذيا ً.

4- والزول : العجب ، ألا تري أن السوداني إذا استغرب شيئاً قال : يا زول؟! يعني ياعجبي من هذا الشي . قال الشاعر في وصف سير ناقته :
مرفوعها زول وموضوعها **** كمر غيث لجب وسط ريح
فمرفوعها زول يعني سيرها إذا أسرعت عجب من العجائب .

5- والزول : الشجاع الذي يتزايل الناس من شجاعته

6- والزول : الخفيف الظريف الذي يعجب الناس من ظرفه .

وضحت الفكرة