المشاركة الأصلية كتبت بواسطة شيخة الزين
شخصية زوجي
للاسف للان لم اعرف شخصيته مع انه بسيط كل يوم طالع بطبع
لذلك قد ترين تناقض بالاجابات
1/ نبذه قصيره عن حياته بشكل عام ؟
حياته كانت على البركة مع اخوانه الكثيرين وامه كان يراها قاسية كثير مع اني دايما انهره واقول انا اشوفها قاسية لمصلحتكم
لاني اعاني معاناتها
انسان اوقات اقول بارد جدا واسترخائي ومستمتع بكل شي وخاصة اوقات الاجازات
انفعالي جدا جدا جدا ويجرح وقت الغضب وبعدين يتحسف بسرعة ويموت مية مرة خاصة لو آثرت الصمت
كريم جدا جدا ومسرف
رسام
عاطفي وحنون وخاصة على الاولاد لكن بذات الوقت افعال وليس اقوال
لا يقصر علينا بشي الحمدلله
اتكالي على الخدم والدريوليه وممكن يبني بيته الخاص باعتماده على الاخرين اهم شي يخلص هم البيت
وكثير ما تطلع اخطاء في البناء وقيسي عليها امور اخرى
مايحبني اشتغل ويحب الدلع والضحك ولا يحب النكد والمشاكل يهرب منها
كل همه الحين يأمن لنا لقمة علشان عقب لا كبر يشوف حاله ومالنا دخل فيه خلاص على قولته امن لنا كل شي 
2/ حياته النظاميه من ناحية الترتيب وتنظيم الوقت والامور الشخصية ؟
فوضوي وبنفس الوقت لو وراه موعد مهم تحصلينه ما ينام الليل من التوتر
3/ الهوايات ؟
ماعنده هواية محدده على حسب اللي حوله ويشتط فترة وبعدين يرجع للكسل
4/ كيف يراه من حوله ؟
انسان متواضع ونيس في المجالس وصاحب نكته
جارح وزعول ومتعصب لرايه حتى لو كان نقاش مع اصحابه فكثير يتفادون النقاش وياه
انا اراه انسان صاحب ذووووق عالي بكل شي
ممممم اشوفه كثير يلف ويدور تفاديا للمشاكل وغير صريح
صريح فقط اذا اضطر ويكون وقتها فات الاوان
صاحب ضمير قوي ورحوم
اول زواجنا كنت احس انه شايب من انتقاداته للناس والحين شكلي صرت مثله هههههههههههههه
5/ الميولات ؟
ماعرف ميولاته لكن اشوفه يحب الشتاء وشبه الضو والبراد والهدوء مثلي
رد مع اقتباس