«الوطني» يوصي برفع منحة زايد للاسكان السكنيــة من 500 الف إلى ‬800 ألف درهم..

[زايد غلاهم]

ألدفعات الأولي للمستفيدين من القروض كانوا يقتطعون مبلغ 1550 درهم على عشرين سنه والحين قانون البرنامج يقتطع 13 بالميه من الراتب يعنى خمس سنوات لازم اتسدد القرض حالهم حال البنك بس بدون فوائد طيب يزاكم الله خير على القرض بس كملوا جميلكم ومدوا فترة السداد والمواطنين سيتأهلون لانه عندهم بعد البناء التزامات كثيره من تأثيث وديكور الخ وصدق يوم قالوا ما يحس بالجرح إلا صاحبه

[بوزايد 1973]

ألدفعات الأولي للمستفيدين من القروض كانوا يقتطعون مبلغ 1550 درهم على عشرين سنه والحين قانون البرنامج يقتطع 13 بالميه من الراتب يعنى خمس سنوات لازم اتسدد القرض حالهم حال البنك بس بدون فوائد طيب يزاكم الله خير على القرض بس كملوا جميلكم ومدوا فترة السداد والمواطنين سيتأهلون لانه عندهم بعد البناء التزامات كثيره من تأثيث وديكور الخ وصدق يوم قالوا ما يحس بالجرح إلا صاحبه

ما يحس بالجرح الإ صاحبه
هذه أغنية لا للرجوع للعملاق عبدالكريم عبدالقادر في ألبوم تأخرتي عام 1993
من كلمات عبد اللطيف البناي وألحان عبد الرب أدريس

هذه الأغنية ما تصلح لهذا الموضوع وأعتقد الأغنية المناسبة هي للفنان بهاء سلطان واللي يغني فيها أؤم أوقف وأنت بتكلمني....

[صوت راك]

هيه صدق المبلغ و ندفع فوقه بس تكملة البيت . و الديكور و الاثاث يباله

[بركان المضيق]

وايد عليهم 50000 الف خلاص لايزيدو بس خل يخفضو أسعار الاسمنت والحديد والطابوق والخشب والامور طيبه
ماباجي الا يعطو كل واحد مليون عشان يبني بيت أول يدودي سكنو بيوت مايتجاوز الامتار وحصى فوق حصى
من زندهم وأحين الدوله مب مقصره فبلاش طمع وجحش الحمدالله مرتاحين الناس 500 الف ولاتزيدو رجاء

[مماتى2]

جزاكم الله كل خير ومتى يطبق هالتوصيه

[بركان المضيق]

يرجى العاء هذا القرار كفايه 500 الف ولاتزيدو المواطن مرتاح
بس الله يخليكم نقصو أسعار الاراضي وأسعار الحديد والطابوق ولااسمنت واحنا مرتاحين

[نقيب الأشراف]

كأنه أجمل مابالخبر عنوانه
وبالخص كلمه حُملت بين ثناياه .

[الكَوس لمطَلي]

حتى 800 ماتكفي !
للإسف اللعب في مواد البناء من سمعوا نزول دفعة قروض يديده رفعوا الاسعار وعرفوا ان الناس محتايه وغصبن عنهم بيشترون !
نريد الرقابة على مواد البناء واسعارها

[اماراتي وافتخر 40]

الله ييسر امورنا جميعنا

نحن خذنا ال500 وزدنا مثلها والله يعينا ونكمل اقساطها

بو زايد ترى قمت احاتيك شو صار عليك...زين بعد ما قلت واركب الحنطور