السلام عليكم اختى الكريمة
انا عندى الجنوبى شرقى .
الله يحفظه ليا ويباركلى فيه . هو فعلا طيووووووووب وجميييل , فى الاول كنا فى مشاكل بسبب انى شمالية وليا افكارى المتناقضه معه بس الحمدلله دلوقتى اتعلمت كتييييييير واستفدت واتحسنت علاقتنا بفضل الله . لما بزعل منه بعاتبه وباخد حقى بدلع و ممكن دمعتين وهو بيراضينى فورا بحنية وطيبة . وكما حسنت اسلوبى معه فى النقض و انا عصبية موووووووووووت بس دلوقتى اتعلمت الصبر لحد ما . وكانت النتيجة افضل كتير .
بس فيه عندى حاجتين لسه محتارة فى التعامل معه ولو ممكن تساعدينى فيهم ....
* هو غامض كتييير يعنى لو فيه شيئ خاص بمستقبلنا انا بسيب له الفرصة لانى اعرف انه بطئ ومش بحاول اضغط عليه بس انا بطبعى احب التفاصيل فلما بحاول اساله عن تخطيطه فى كذا و وصل فيه لاى مرحلة . يرد فورا انا بفكر فى الموضوع وفى بالى وان شاء الله قريب هخلص كل حاجة وبسسسسسسسسسسس انا كده ولا فهمت حاجة ولا عرفت هو عمل ايه ولا وصل لفين !!! كنت الاول بساله يعنى ايه مش فاهمه . ومش بيجاوبنى كان بيريحنى باى كلمة وخلاص .... بس دلوقتى انا بسكت وبسيبه لراحته لما يحب يحكى من نفسه بس انا كده بتجن لان فيه امور مصيريه وممكن اهلى يسالونى عن النتائج وانا ولا برد .....
عايزة افهم اتعامل ازاى مع بطئه فى الامور الهامة ومع غموضه لانى بحب التفاصيل علشان افهم الامور ازاى ....
* تانى حاجة بالنسبة للمصروف هو اتفق على مصروف بيت لكن حدد رقم بسيط . ولما طلبت منه مصروف شخصى علشان حاجاتى الخاصة رد بانه هو راح يشترى لي طلباتى الخاصة . انا اعرف ان الجنوبى حريص كتير وده لاحظته فيه لما اطلب منه شيئ يتاخر واما يجيبه او يبدله بشئ على ذوقه . فانا بقبله بفرحة مزيفة علشانه .
عايزة اعرف ازاى اخد مصروف اللى يكفينى انا متربية على مستوى معيشى معين وهو بكده راح يقلل مستوايا . المفروض انى اسكت ولا اطلب منه و الح عليه بطلباتى ..... وازاى من غير ما يحس انى استغلاليه او مبذرة . خاصة انه كتوووووووووووووم فى اللى معه يعنى مايقولى الحقيقة معه كام فى جيبه ممكن يقولى جزء و بعد كده فى موقف الاقى معه مبلغ اكبر من اللى قال عليه مع انى والله مابطلب منه الكتير ابدااااا . بالعكس لو خرجنا ممكن اطلب منه مثلا يشترى ليا معه ايس كريم و شيكولاته . مرة يجيب الاتنين ومرة يجيب حاجة واحدة و يطنش على التانى ...... ولما اساله فين يقولى معلهش حبيبتى المرة الجاية هشترى اللى عايزاه !!!!!!!
وشكرا لك حبيبتى طولت عليكى اسفة جدااااااااااااا .