مع ولا ضد ها الظاهره؟؟

[نبض انسان]

السلام عليكم ورحمه الله وبركاته


والحمد لله والصلاه والسلام على نبينا محمد وعلى آله وصحبه أجمعين ..

فى ظاهره منتشره بشكل فضيع ألا وهـــــــى لمن الناس اتسير اتعبي بترول , يخلون الهندى يترسها بترول وينزلون المحطه , يشترون أغراض ويخلون السياره , والمشكله انهم يدرون انهم راح يعطلون ويأخرون الناس الى تبا تترس السياره بنزين , ومايخافون ينسرق أى شي عنهم بالسياره ..

*شــــــو رايكم بالموضوع ؟؟

*انتم مع ولا ضد ها الشي؟؟

[فرعون الفريج]

صباااح الخير


انا ضــد هالظاهره ... !!

أوووبس ..بس مرات اسويها بشرط ماشيء زحمه !!


عاد موب ينزل الواحد شوبينج !!

يعني ياخذ له دبه ماي ولا بيبسي عالسريع !!


بعدين الصبر جميل شو وراج يعني لو تترين ربع ساعه لين يرد !!!

بيحصل دعاوي الناس صاحبنا وأجر !1

تحياتي

[noorarak]

السلام عليكم ورحمة الله وبركاته

ضـــد أكــيد .. فهذا تصرف غير حضاري .. ولا فيه احترام لحق الغير ..

فأكيد بيوم بيواجه نفس الموقف .. الدنيا دوارة ^_^

والله يهدي الجميع

الشكر الجزيل .. عزيزتي نبض إنســان ^___^

نورة

[بنت اليافعي]

وعليكم السلام ورحمة الله وبركاته

طبعآ ضد هالظآهرة .. لآنها تجلب المشآكل

يخلون السيارة ويروحون المحطه
شو يضمن محد يسرقها او يخرب شي
ماتدرون الحين والله هالزمن مايرحم ولا فيه امان

الله يحفظكم من كل مكروه

تسلمين نبض انسان بارك الله فيج

[الكابتن]

ضد ثم ضد و ... ضد

ما بيكلفك شي عزيزي السايق يوم تخطط لشراء شيء بعد تعبئتك للوقود...بعد ما تعبّي البترول...أوكيييه

نعاني من أزمة أخلاق...يراد له توجيه وتثقيف

[abdullahalemadi]

وعليكم السلام ورحمة الله وبركاته

أنا لا أؤيدها

ولكن ,

أقع فيها أحيانا محتجا بتوفير الوقت (وهذا ليس بمسوغ) مع علمي بأن هذه الظاهرة ليست بصحيحة

فأحيانا يقع الإنسان فيما يعتقده خطأً فتغلبه هواه, وهذا دليل على ضعف الإنسان وأفتقاره إلى الله تعالى بطلب الإستغفار منه, فسبحان من قال: (وخلق الإنسان ضعيفا)

فأسأل الله أن يهدينا و إياكم لما فيه الصواب والرشاد و الحمد لله غافر الذنب وقابل التوب

ودمتم بحفظ الله ورعايته

[نبض انسان]

الشكر لمن مر عل موضوعى
من اخى المشرف القدير سري للغايه و نوره وبنت اليافعى و العضو القدير والحبوب الكابتن

[بوعواش]

[align=center]

السلام عليكم ...

أنا ضد طبعا ...

حصلتلي كثير وتلاسنت مع شباب ... لإن أغلبنا عنده ظروف أو مرتبطين بدوام ثاني شئ أنا مب ملزم أشرحلك ظروفي عشان تراعي الحق العام .. مافي وقت نتريا أو نتأخر بسبب واحد لايحترم ومايراعي ظروف الآخرين.. لاوبعضهم يعلي على الصوت أغاني أنجليزية كلها سبب وكلام غير لائق المشكلة مايعرف معناها ..
هب هاب مأأقول إلاهب هباك الله..

المشكلة لما يكون ضغط في بعض محطات البترول وبشوارع رئيسية ومع وقوف الناس بالطابور وراك انا أشوف أنه مب لازم تعبي الخزان كامل .. يعني لو ممكن تراعي ظروف وقت الآخرين عبي النص وروح لله يحفظك .. ومنهم يعبي الخزان فول ويروح يتسوق بالمحطة والناس واقفة تناظره بعيونهم وبعد يسحب فلوس والناس تترياه ..اعتقد هالشئ مب من أخلاق عيال البلاد لإنهم للأسف أكثر فئة تقوم بهذا العمل ..

وبعد عندي ملاحظة في مكائن الصراف الآلي بمحطات البترول تشوف الواحد واقف يتمنظر بالجهاز كأنه يالس بالبيت على النت مب هامنه أي شئ ..الشخص إلي واقف يترياه

ثالث شئ نصيحة مني يوم توقف بالمحطة تعبي بترول خل جهاز التعبئة مجابلنك عشان تشوف وتعرف كم عبالك العامل وتأكد من الرقم قبل ماتدفع حتى بتلاحظ أن العامل بيقولك تجدم عشان يغطي على المكينة أنا مألف ولا هالكلام تلفيق حصلي ومن وقتها تأدبت لكن المشكلة في ناس تدفع وتروح ..

وشكرا

[/align]

[الحزن الباكي]

ياختي هاي صارت عاده مب ظاهره عند الشباب للأسف طبعا مب الكل لكن الاغلب
كل حد يمشى بمزاجه
بس مادري شو بيصير لو خلص تعبئه بيترول و عقب راح بركن شرات الناس و دش الشيشه ؟؟!!

الله يهدينا

تحياتي ..

[maloook rak]

ضد \ لانها الصراحه وايد تاخرنا عن عد الملايين < ههههه

وانا اصلا متعود اترس الموتر وابركن جدام المحل
او اروح بقاله عاديه لاني اكثر شي مب فاضي انزل