السلام عليكم و رحمة الله و بركاته . .
صباح النور وَ السرور . .
شحالكم ! لكم وحشة نفر نفر
السموحة على القطاعة وَ القصور . .
ظروف الدنيا أشغلتنا . . بس مكانكم أكيد بالقلب باقي
أخويه سري للغاية / مثل ما عهدتك دوم كلماتك تدش الخاطر
وَ فعلاً مُعبرة . . أحب الدمج اللي تسويه في مواضيعك . .
تطلع بصورة جداً مقنعة وَ معبرة . .
إبداع اللهُم لا حسد . .
بخصوص السؤال :
هل أحرقكم غياب أحداً في حياتكم و من هو ؟
و إن كانت الإجابه بـ نعم صفوا لي
كيف تخلصتم من هذا الحب أو مازال يأن بداخلكم ؟
لو تكلمنا عن اللي مضى في حياتنا . .
وَ ألأشخاص اللي مروا فيها وَ اللي تم وَ اللي رحل
ما بيوسعنا الوقت . .
بس بذكر لك شي بسيط . .
أصدقاء الدراسة سواء بالمدرسة وَ لا الجامعة . .
أحن لهم وَ لأيام جمعتني وياهم بشكل كبير
حُب الصداقة اللي بين الربع أحلى حُب . .
تلاقي نفسك تتأثر وَ عادي تدمع عيونك لمواقف جميلة إستوت بينكم
على الرغم من التواصل من قبل البعض منهم
إلا إن تواصل الماضي بالحضور الدايم اللي كان فيه
له نكهة خاصة جدا بالنسبة لي . .
ألحين الكل إنشغل بحياته الخاصة وَ إذا في تواصل
يكون عبر البلاك بيري بس أكثر شيء . .
طبعا مب الكل بس الأغلبية جيه . .
أنا أخذت السؤال من ها الناحية لإن فعلاً مأثر بي جداً موضوع . .
( تواصلنا من خلال وسائل إتصال بسيطة جدا مب
تواصل عميق مثل الماضي ) يعني ها التواصل أعتبره مثل :
غياب الشخص فعلياً وَ حضورة بشكل إعتيادي . .
عاد السموحة إن شاء الله إنفهم شي من ردي
رد مع اقتباس