نحن نفتخر بإمارتنا وبشيوخها لانهم مومقصرين الحمدلله ويسعون دايما لتعميرها وتطويرها

ولكن ... للأسف الشديد

لاتوجد رقابه على المسئولين اللي ماسكين مناصب مهمه وحساسه بالاماره وكل واحد ساهي ولاهي

وعمال البلديه دام ماعليهم رقيب فيعيثون في الاماره فسادا ، بمنطقتنا .. عمال النظافه ايشلون كرمتو القمامه
بكل انواعها من الشارع العام ويقطونها بوسط الاحياء السكنيه اللي محد يشوفها ولا يمر عليها غيرنا نحن السكان

ونا عيزت شبه يوميا اضارب مراقب البلديه المصري عشان اييب العمال ويشلون وصاختهم لمكودينها بالفريج

وتخيلوا بس الامراض والروايح اللي بتظهر من ورى هالزباله خصوصا بعد ماخترست بماي المطر

حسيبهم الله بس .. لدرجة اني عصبت وحلفت انهم اذا ما شلوا الزباله لأروح أأجر شيول وبخليه يشل الوصخ ويقطه
بوسط الشارع العام وبصور وبنشر عالنت .. فضحونا جدام الخلق الزوار من الامارات الثانيه وجدام السياح ربي
يفضحهم وينشلون ويحطون صج ناس أكفاء مكانهم.

أقترااااااااااااااااح : إن البلديه تخص شخص معين من اهل كل منطقة يكون مسئول عن نظافتها ومتابعة امور منطقته مباشرة
مع مدير البلديه يعني يكون همزة وصل والاهالي يرجعون له إذا عندهم مشكله وبجذيه أكيد بيهتم بأن تكون منطقته انظف منطقه..
ادري إن هذا حلم بس اتمنى انه يتحقق فيوم