بسم الله الرحمن الرحيم
بحثت عن هذا الموضوع في الانترنت وما حصلت احد كاتب عنه.
فجربت شراء الخدمة وهذي تجربتي معاهم:

بطاقة الامراء أو برنامج الخدمات الدولي isf:
يتصلون فيك يعرضون خصومات على الفنادق المحلية والعالمية وفي النهاية تكتشف انه احتيال ومقصة.

حاولوا معاي آخذ البطاقة المتيمزة لكن اصريت اني اجرب العادية واسبوع وهي تحاول، ردي كان ليش تعرضون البطاقة العادية، هل هي نوع من الاستدراج علشان العمولة؟ لو من الأول عرضتو المتميزة وما في داعي للعادية.
راكظت وراهم اسبوع علشان البطاقة العادية، وبالأخير أرسلوها عن طريق الامبوست واسبوع ثاني علشان استلمها. باين انها خدمة سيئة مب متميزة.

يقولون خدمتهم 24 ساعة في اليوم، اتصلت الساعة 7 الصبح ما في احد يرد علي.

للأسف ما عندهم إلا 3 فنادق في أبوظبي يتعاملون معاها مع انهم عددو لي تقريبا كل فنادق بوظبي. لكن طلع كلامهم مقصة، الكتيب مافيه غير ثلاث او اربع فنادق.
يعني عروضهم محدودة جدا.
وجربت احجز عن طريقهم ما حصلت عرض مشجع.
والفرق من 50 إلى 100 درهم ارخص عن بوكينج وعلى غرف محدودة ممكن تكون على الغرف اللي ما تمشي معا الفندق.
موقعهم ما فيه حجز، مع إنهم قالوا لي قبل لا اشتري البطاقة إني ممكن أحجز عن طريق النت.. كذب في كذب.
قالوا جرب البطاقة وإذا ما عجبتك رجعها ونرجع بيزاتك... انسى.

حرام يعلمون هالبنات الكذب والاحتيال.

في النهاية لا أنصح فيها ولا يقصون عليكم.
وقررت أفضحهم في كل المنتديات.
والسلام