خارج الدوله...

[قد الحب]

السلام عليكم ورحمه الله وبركاته...

اليوم رح اتكلم عن موضوع وهو كيف حياه بنات الامارات خارج الدوله

طبعا مو كل البنات نفس الشي بس الاغلبيه جيه

تسافر دوله اوربيه او عربيه نشوف ان البنت لا عباه ولا شيله انا ما ابالغ صدقوني وايد ناس جيه

ليش جيه نسو العادات والتقاليد وين دينهم

يعني انتو متخيلين معاي بنت عمرها 18 سنه الى 25 تتمشى بدون عباه واذا سالوها تفتخر وتقول انا بنت الامارات عجيبه الصراحه لاتنسين يالمواطنه ان الله عزج بالاسلام وين ماكنتي
والمفروض البنت المسلمه تتبع اسلامها ببلادها وبرع بلادها

واذا نسالهم ليش تسوين جي وعيب تقول عادي حريه شخصيه ونحن برع البلاد منو يعرفنا

البعض منهم طبعا برضى الاهل والبعض لا

ومن ترد البنت البلاد ماخلت عباه مافصلتها بس عشان تلبسهم حق اللي تعرفهم ياربي شو هالنفاق

الحين بدت تخاف من سمعتها وربها لا ما خافت منه

طبعا الكل له حريته باللبس بس مستحيل حد يحب بلاده ويسمح لحد يشوه سمعت البلاد

اتمنى اشوف رايكم بالموضوع

اختكم قد الحب

[جريحة زماني]

انا معااج بهاا الشي

هي لااازم تخلي النااس الثاانين والغرب يااخذوون فكره عناا

وحتى لو ما كااانو مسلمين يمكن الله يهديهم ويدشوون ع ايدها شو درااها

وتسلمين اختي ع الطرح الحلوو

[العتيبي]

[align=center]بالمختصر هي جملتين ..

قلة الوازع الديني ...

إن لم تستحي فأصنع ما شئت ...

العتيبي[/align]

[ساحرة القلوب]

صح كلامج أختي
ومثل ما قال أخوي ضعف الوازع الديني بلا أي كلام
فإذا كانت البنت تخاف ربها وتعرف إن هاي الشيء إلي تسوها غلظ
ما يرضى ربها فإنها بتلتزم حجابها و عباها و هاي شيء راجع لأهلها و تعاليمهم
يسلمو أختي ع الموضوع

[ام خماس]

صدقتي والله
وانا بعد شفت صور بعض البنات بتايلاند نفس الكلام اللي قلتينه

[أسيرة الشوق]

[align=center]
تسلمين أختي ع الموضوع

مثل ما قال أخوي العتيبي قلة الوازع الديني
البنت المحافظه على دينها و عاداتها أكيد ما بتغيرها
لو سارت لأبعد مكان في الأرض...

و أسأل الله العلي القدير لنا و لهم الهدايه..
[/align]

[الشاكي83]

قلة الوازع الديني ورفاق السوء
ولا حسيب ولا رقيب

[الريمـ]

ما عندهم حد يحاسبهم ..!*
مشكوورة أختي ع الموضوع

[بحر الذكرى]

قلة الوازع الديني وبرضى من الاهل بعد

لانه في بنات يلبسون عباه بس للزينه مو بس برع

لا لاني انا شفته في ايام الجامعه وحده تقول البس بس علشان الكل لابس

ولا هي الحياه فري عندهم اصلا لا عباه ولا شيله

ولا انتوا خلوا البنات بصوب

وبعد اتذكر الداكاتره لما كانوا يسون محاضره يقولون لما يروحون بلاد برع

يشوفون الدكاتره الحريم بلبس يستحون يقولونه وهم مواطنين

اذا الكبار جي فما بالكم بالصغار


وربي يهديهم ان شاء الله


يعطيج العافيه اختي على الطرح





بحر الذكرى

[-][ بُـوفـلاَن ][-]

[align=center]
إأإأ السـ عليكم ـلام أإأإ

أولا ... أشكرج إختي ‘‘ قد الحب ’’ ع طرح موضوووع حسااس مثل هذا ...

أنا من ناحيتي ... مريت مثل هذا الموقف في عـام 2003 كنت مسافر ع طيران الإمارات إلى ( ألمانيا - ميونخ ) ....

المشكلة مو لما وصلت ... المشكلة إني شفت البنات يفصخن العبي بالطيارة أول ماطارت وإستقرت بالجو ...
والله إني إنصدمت ... بس ماباليد حيلة

وأنا مع كل أخواني ... إن الوازع الديني ... وعدم الرقابة هي السبب بهذا الشئ .. مرات الشخص ينسى إن هو يمثل بلده برع الدولة <~ مسقط راسه <~


تحياتي إختي ... وتقبلوا مروووووري ... ^^_
[/align]