اخواني وخواتي هذا الموضوع قد تم النقاش فيه من قبل معلمات التربية الإسلامية والتوجيه بعد تذمر واعتراض الطالبات مثل العزيزة كاتبة الموضوع .
وطبعاً كان فيه الكثير من الاعتراض على هذه المناهج من السنه اللي مضت لان السنه اللي فاتت كان مقرر فيه منهج التربيه الإسلاميه للصف العاشر وبنفس أسلوب المناهج الجديده .
ونحن بحكمنا مدرسات تربيه إسلاميه اعترضنا على هذي المناهج لأن موضوعاتها متكرره مثال : درس المسؤوليه في الإسلام كنا ناخذ فيه ساعه واحده نلم فيها من الناحيه الدينيه بالموضوع كاملاً ولله الحمد مع حفظ حديث (( كلكم راع ومسؤول عن رعيته.....)) أما هذي السنه فالموضوع طرح على ثلاث دروس وهي ( المسؤوليه في الإسلام ) ( المسؤوليه الفرديه في الإسلام ) ( والمسؤوليه الجماعيه في الإسلام ) كل درس يستغرق ساعه ونصف عدا الدرس الأخير ساعتين ونصف وبعدني ما خلصته . والمواضيع ما فيها حفظ للسنه النبويه بس أن شاء الله راح تقرر أحاديث للحفظ من قبل الوزاره .

وأغلب اللي في مناهجنا هو من الناحيه الوطنيه أكثر ما يكون مثل سؤال ما المؤسسات الجماعيه التي تسهم في حفظ النفس ؟؟؟
الإجابه : الشرطه فرق الإغاثه والإنقاذ والأطباء والممرضين.

نحن ما نعترض على هذا بل بالعكس الأفضل تعزيز الوطنيه لكن فيه مواد أخرى مثل المواد الاجتماعيه هي اللي تقوم بهذا الدور نحن كمدرسات تربيه إسلاميه لازم نعزز في قلوب طالباتنا الأمور الدينيه أكثر .

ولأن الموضوعات كلها حلل فكر عبر بين تضيع الساعات في التفكير والتحليل وابدأ الراي . أنا ما اعترض على الابداع أنا معاه لكن مب كل الدرس بهذي الصوره .

المهم أخواني وخواتي بعد أعتراضنا للمناهج وما فيها عرفنا أن ولله الحمد أن هذي هي المناهج المطروحه هي الأفضل يعني كان فيه الأسوأ أذاً فعلينا تقبل الأمر والسكوت على المناهج وما هي عليه . وبحكمنا كمدرسات تربيه إسلاميه ان شاء الله راح نحاول نرسخ أمور دينا بين بناتنا الطالبات وهمة الأهل ويانا.
والحمد لله أن الطالب في الثانويه راح يتخرج وهو حافظ ربع حزب وبعد التفسير الشامل للآيات واضحه ومفهوم عنده لأن هذا الشيء مقرر عليه والسموحه منك على الأطاله وان شاء الله تراعونا كمدرسات للماده وتراعون وتقدرون جهود أخونا وخواتنا في التوجيه والسموحه منكم.
الطريف في الأمر زميله لي خارج التربيه والتعليم تقول لي فيه فرق كبير بين مناهج السعوديه ودولة الإمارات خاصه التربية الإسلاميه مناهج السعوديه أكثر تعمق في أمور الدين .

.رديت أي مناهج القديمه والا اليديده قالت فيه يديده قلت نعم السنه هذي مناهجنا يديده وغير عن اللي شفتيه واللي شفتيه كان الأفضل .
والحمد لله على كل حال .