يا سلام شو هالموضوع .. انزين انا أول وحده أرد ع موضوعك شووو هديتي ... خخخخخخ

للبنات..

1.هل كنتي تطلعين كشه و حافيه في الفريج؟!! احم احم هيه كنت اطلع حافيه وإذا بلبس نعال بلبس نعال اختي العوده يعني اطول عني بدراعين..

2.هل كنتي تلعبين مع أولاد الفريج؟!! ههه ما خليت واحد بالفريج ما لعبت وياه ولا بعد كنت اضارب وياهم .. بس انا اللي أغلب(خريطه طبعا)

3.هل كنتي تسرقين اللبان من الدكان؟!!
ياريت بس البان خلها مستوره ..
4.هل كنت تيمعين بيزااتج إنتي و بنات الفريج و تسوون حفله كل يمعه؟!!
يوووي هيه ولا يقولكم بعد ايمع من عدهم وأنا ما أدفع (ذكيه)..

5.هل كنتي تلبسين شيله أونج كبرتي؟!!
هيه وكنا نلعب عروس ومعرس (( مستعيلين ))

6.هل كنتي تثلجين الفيمتو و تبيعينه بنص لعيال الفريج؟!!
ههه أنا ما كنت اسوي جي بس ربيعتي كانت تسوي بس ياريت تبيعه بنص كانت تبيعه بريال ...هع هع

7.هل كنتي تلقطين النثوور بالأعراس؟!!
يقولكم أسير العرس بس عشان النثور هب عشان أطالع العروس والمعرس خخخخخ

8.هل كنتي إتمين بثياب المدرسه لين المغرب؟!!
لا الصراحه بس لين العصر اتم بثياب المدرسه طبعا امي ماتقولي شي
(بس تنازعني شوي)

9.هل كان السبوح و التمشيط مقتصر على يوم اليمعه؟!!
يالله عاد وصلنا للمشكله العوده (خلوها مستوره) افهموا يعني كل يوم اربع مرات اسبح خرييييييط

10.هل كنتي ترووحين المدرسه مجبوورة؟!!
يالله والله مااحب أسير المدرسة يقولكم أحيانا ( بس خلاص كفايه فضايح)
11.هل كنتي تردين من المدرسه بثياب الرياضه؟!!
احم وانسى لثياب اللي سايرة فيها وطبعا العن لعان فالبيت

12 هل كانوا يرشون شعرج بفليت!!
هههه يقولكم كل جمعه لازم تعرفون طبعا ليش ؟؟؟
13هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!!
ياريت البنات الله يسامح واحد من الشباب يوم كنت فالروضه من اركب الباص ياني ياخذ فلوسي انزين وانا يعني اتم فاليوع (صدق اني بهيمه) يبالي اطب له البيت الحين واخذ فلوسي خخخخخ

14 هل كنتي تستحين تركبين موتر أبوج ((بيك أب )) !!
يوووووووووووي والله ما كنت استحي ولا أركب ورا بعد والشعر يقولكم ( أشرقت شمس الصباح)

على فكره ها أول موضوع أرد عليه والسموحه