11.500درهم قيمة مخالفات سائق خلال شهر واحد في أبوظبي !! (صورة حصرية)

[راشد]

11.500درهم قيمة مخالفات سائق خلال شهر واحد في أبوظبي !!

راشد/ الرمس.نت:

قد يسجل الشاب المواطن صاحب المخالفات التي في الصورة رقماً قياسياً عالمياً في قيمة المخالفات التي لحقته خلال شهر واحد فقط في إمارة أبوظبي والتي لم يعلم بها إلا قبل أيام.

فقد فوجئ هذا السائق (الذي لم نذكر اسمه) بكم من المخالفات المرورية لتجاوز السرعة والتي بلغ مجموعها 11.500 درهم في أقل من شهر واحد فقط.

وبالإطلاع على المخالفات البالغ عددها 19 مخالفة أي ما يقارب مخالفة واحد كل يوم فكانت تتراوح قيمتها 600 - 700 درهم للمخالفة ، وذلك بعد تطبيق قانون السير والمرور الجديد الذي يترتب عليه دفع مبالغ مالية تزيد بزيادة السرعة المحددة على الطريق.

شوفووو مخالفاته

لاتحطون عليه وايد .. اوكيه

خفو عليه

انصحووه بس ..

براويه الموضوع عقب هههههههه

(النك إللي على الصورة نكي )

[Her Highness]

لالالااااااااااااااا


ليش نحط عليه هذا يستحق جايزه نوبل للسرعه الزايده والمخالفات المميزه خلال شهر



الصراحه تحيه معطره ب11 الف و500 لربيعك



الظاهر يبا يصدق للحكومه بهالشهر كريم الاخ >>> محد يلومه نوع من الكرم الغير مباشر



الله يحفظه وقوله عن السرعه الزايده نفادها البيزات اهم شي سلامته وسلامه كل الشباب




الله يحفظ الجميع يارب

[غرشة عسل]

ما شاء الله عليه شكله عنده فلوس ما يدري وين يوديهم..
الله يهديك بس ويهدي جميع الشباب ...
هالله هالله بعمرك ما يسوى علييك..

[patchena]

ههههههههه مشاء الله عليه مب مسرع

اسميه متخبل العالم شكلها بايعه الحياة

[رمساويهـ قمر]

ما ادري عاد شو بيستفيد !!

الله يهدي اليميع ان شالله ..

[~{ليش آناآ}~]

....هالكثر عنده بيزات
اذا ما يبيهم خله يتصدق فيهم

حشى عنبوه
11 الف عاد مره وحده

ولا عاد ليش بسبه سرعه
والله غميضه ادفع بيزات عشان سياره او سرعه
هو خبال؟؟؟؟؟؟؟؟؟؟؟.....


....بس اقول اخوي راشد عقب ما تراويه التعليقات خلنا انشوف رده فعله
يعني اذا تقدر

لاني صدق مستغربه يعني
11 الف
اوووووووووووووف......

[راشد]

لالالااااااااااااااا


ليش نحط عليه هذا يستحق جايزه نوبل للسرعه الزايده والمخالفات المميزه خلال شهر



الصراحه تحيه معطره ب11 الف و500 لربيعك



الظاهر يبا يصدق للحكومه بهالشهر كريم الاخ >>> محد يلومه نوع من الكرم الغير مباشر



الله يحفظه وقوله عن السرعه الزايده نفادها البيزات اهم شي سلامته وسلامه كل الشباب




الله يحفظ الجميع يارب

اوووه
جواايز هنيه هههههههه

يا سلام .. منو قده ,, 11 الف و 500 تحيه ..

ههههههههههههههه كرم غير مباشر اونه حلوه هذي

ويحفظج إن شاء الله ...

اوكيه بقووله ^^

تسلمين يا ام دحماني

ربي يعطيج العافيه

[راشد]

ما شاء الله عليه شكله عنده فلوس ما يدري وين يوديهم..
الله يهديك بس ويهدي جميع الشباب ...
هالله هالله بعمرك ما يسوى علييك..

اصلا هو ما يدري عن هالمخالفات

يوم دخلنا نجيك كان يتحسب 3 او 5 بالكثير

ما توقع هالكثر .. مسكين انصدم .. لانه ما يسرع اكثر من 160

آمييين يا رب ..

مشكووره يا غرشة عسل

ربي يعطيج العافيه

[راشد]

ههههههههه مشاء الله عليه مب مسرع

اسميه متخبل العالم شكلها بايعه الحياة

هههههههههههههههههه
مخبل العالم اونه

تسلمين اختي عسل كوكتيل

ربي يعطيج العافيه

[راشد]

ما ادري عاد شو بيستفيد !!

الله يهدي اليميع ان شالله ..

ما بيستفيد شي


آميييين

تسلمين اختي رمساويهـ قمر

ربي يعطيج العافيه