[align=center]السلام عليكم ورحمة الله وبركاته

مرحبا فيك المنصوري

شاكر لك الاهتمام والاستفسار

لاحظة اني اعدل على كذا رد وموضوع وبرأيك انه مافيه شئ من الاساءه او الغلط وانا معاك بهالشئ ..لكن ما فكرت انه هالموضوع يمكن فيه خطأ املائي وانا حبيت اعدله عسب يظهر بصوره طيبه ويكون الكلام مفهوم وواضح للجميع ؟؟

إذا انته مشرف ومرت عليك مشاركه ولازم تقبلها ولكن فيها خطأ إملائي شو راح تسوي ..؟

اكيد بتعدلها من باب الذوق وانه الغرفه والمشاركات يظهرون بمظهر طيب ومشرف وتعكس مدى اشرافك وترتيبك للغرفه ..ومعظم المشاركين عضويتهم فضيه ما يقدرون يعدلون على المواضيع وانا من نفسي اعدل لهم مب تغير بالكلام او المعنى لا ابدا

وإذا فيه عضو انا غيرت من كلامه وهوه حاس انه ما اساء لحد او غلط ..يتكلم و يقول ولا ليش غرفة الشكاوي موجوده وانا راح اكون موجود وبرد عليه وبوضح له وجهة نظري وليش عدلت .. يمكن انا غلطان او شئ والي له الحق بياخذه ماعتقد اني دائما اكون صح والباجي على خطأ .. اتقبل الانتقاد بصدر رحب ومافي شئ يزعل ابدا ..


موضوعك عن سقوط البقره ... نعم انا غلقته كم اسبوع مر على الموضوع ف من رأيي انا انه اخذ حقه من الردود ومب معناه اني غلقته فيه شئ من الغلط لا بس لانه في مواضيع قديمه ماتكون مغلقه وحد يقراها متاخر ويرد ف عقب تتنقل للصفحه الاولى ومن وهالشئ يأثر على المواضيع الجديده وينزلها لتحت ومنها للصفحه الثانيه وماتاخذ حقها من القراءه من هالشئ انا غلقته ..

نحاول نوجد خاصيه يديده تمنع الموضوع القديم او الخبر انه يرد للصفحه الاولى اذا حد رد له متاخر بس علشان نرتب المواضيع من الجديده للقديمه بدون ما نغلق وان شاء الله لو توفر لنا شئ اكيد راح افتح المواضيع الي غلقتها ومب بس موضوعك الي مغلق يالحبيب حط فبالك هالشئ لكن بالوقت الحاضر ماعدنا شئ غير غلق الموضوع

والسموحه [/align]