شورايك بمجـالس الرمس الحوارية . بصراحه لاتجامل ؟

ماعليه كلام ومااقدر استغنى عنه

ماسبب اختياارك لنكـك ؟ لانــــي احب اسم عبد الرحمن والوالده تحب هالاسم


أسمك الحقيقي: ههههههههههه فلانه بنت فلاااااااااااااان الفلاني عفتوني صح ؟؟؟


العمر:21>>> قولوا العمر كله


الحالة الاجتماعية : مخطوبه لوووووول >> اقصد عزبااااااء


ماهي نقطة ضعفك ؟ أمــــــي وابوي واخواني


شو يلقبونك يوم صغير؟ مابقول بتعرفون اسمي >>> اوني ذكيه


اشياء تأخذ من وقتك الكثير ؟ النت والاهل والدراسه


بيت قصيد تحب تردده على لسانك ؟ مااحفظ قصايد >> علمـــــي مب مال حفظ >> خقاقه


حينما تغضب ماهي ردة الفعل التي تقوم بها دااائماً ؟ اسكت واحب اكون بروحي بس وانا ظاهره ارض بالباب>> عرفوا اني عصبت لول


تلبس نظاره ولا ؟ ((متعقد الأخ)) لاوالله ماصار لي الشرف فخاطري البس احس رزه ومال دحيحين هههه




بكلمة او كلمتين ماذا تعني لك هذه العبارات ؟


* الحزن شعور اكره اني اعيشه او يسيطر علي

* الحب علاقه حلوه تربط الناس فبعض

* السعادة لحظات سريعه وتمر شرات البرق حتى ولو كانت لساعات

* الانانية صفه اكره اصحابها



بكلمة او كلمتين فقط ما رايك بالاعضاء التاليين ؟


* بوناصر
مافي وصف يوفيه حقه
* قلم رصاص
ردوده عفويه ونكه مميز
* عاشق الرمس
طيب وع نياته
* بومريم
اسلوبه راقي و مثقف
* سري للغاية
له اسلوب خاص فالنقاش والحوار
* الامبراطور الرمساوي
نشيط فنقل الاخبار اليديده والمواضيع الحلوه
* أم دحماني
منو هاي؟؟؟ مااعرفها اول مره اقرا اسمها هههههه
* انــــا احم احم
قول اعوذ بالله من كلمه انا قبل لووول


شعمه المنتدى >> تحمل عن حد يطفيك ههههه>> اسولف

بس اقصد وجودك ورايك ومواضيعك متميزه


تعددت طرق وأساليب الحوار فهل تعتقد ان الأنترنت هو الوسيله الأفضل للحوار ؟

النت وسيله من وسايل الحوار واحسن طريقه برايي لان الاغلب مايعرف الاشخاص اللي

يتعاملون وياهم شخصيا ولو كانو يعرفونهم

يمكن يغيرون رايهم فموضوع او يرفضون موضوع والسبه شخص معين


وكل شي له سلبياته وايجابياته مافي شي كامل

وهل هناك ثمرة تجنى من وراء هذه الحوارات ؟

هيه اكيد الواحد يستفيد من راي وتجارب غيره

شنو هوالشي اللي تتمنى تشوفه في المنتدى وشايف انه صعب يتحقق ؟

امممم ماعرف والله

لو أعطيتك فرصة لأن تحقق أمنية واحدة من أمنياتك ,, ما هي هذه الامنية ؟

ادرس برع بس منقوود عند العرب ماباليد حيله

شخص لاترفض له طلبا (يمكن انا) ؟

عن تصدق عمرك بس هههههه

اللي مااقدر ارفض له طلب امي صح مرات اعاند بس دقايق واسوي اللي تباه

لاني اعرف ان رايها الصح فالنهايه وبمصلحتي ونااس فبالي ؟؟

ماهي التجربه التي تتمنى تكرارها ؟

اسير دزني اللي بفرنسا مره ثانيه ونااااسه

ما هي الاقتراحات التي ترغب بتحقيقها في مجالس الرمس الحواريه كي تزيد الفعاليه والنشاط بالمنتدى ؟

ماعرف اذا شي فبالي اكيد بقوله ومابيردني الا الكيبورد

اكثر عضو تميل له (أقصد دايما تتابع مواضيعه) ؟


قايد >> انت .. عاشق الرمس .. راشد .. امارتيه لين الموت .. قد الحب.. الراصد ووااايد اعضاء

عضو يعجبك نك نيمه ؟

ملك بدون مملكه

عضو يعجبك اسلوبه فالكتابه ؟

الصمت عدوي

اذكر كم عضو وعضوه ؟ وقول لي احسن صفه يتميزون فيها ؟

الصقر الامارتي >>طيب وحبوب و مجتهد

الصحفيه >> صاحبه الاخبار الحصريه والمميزه

راشد >> ربشه المنتدى

اجمل صوت قارئ ( للقران الكريم ) ؟

السديس

لو افترضنا انك مسوي عزيمه ,, منو بتعزم ؟طبعا انا اول واحد ولا ؟

لالا اخر واااحد انت خخخخخ بعزم الكـــــــــل بدون استثناء وبعزمك عن تزعل

سـؤال خاطرك تسأله لعضو , منو هالعضو , وشو السؤال ؟


تايم ريسر : ويـــــــــــن هالغيبه ؟؟


قد الحب : ليش مااحبج فديتج ؟؟ احساسج غلط ؟؟ماله اساس من الصحه

يقولون انك من النوع الي تزعل بسرعه , صحيح هالكلام (يقولون انا مايخصني) ؟

منو يقول قولي بسير اقص لسانه ههههه


لا والله ماازعل بسرعه ولو زعلت ثواني وارضى بروحي

تحس انك مشهور, والناس تطالعك ؟

ههههههههه لالالا ماوصلت لشهره مايكل جاكسون بعدني >> مايقدرون يطالعوني


شي حاجز >> الغشوه لووووووول


ما أصعب شي في حياة الرجل من وجهة نظرك ؟

اذا اتمنى شي وكان فخاطره وظروف غصبا عنه منعته يحصل ع الشي اللي تمناه


بسألك .. انت الحين قاعد تجاوبني بصراحه ولا تجاملني ؟؟

يقولون

اذا تقـدر تحذف شي من حيـاتك ,. شـوو بيكـون.,؟

بحذف ذكريات المدرسه >> كريهه وماادانيها ولااحب اذكرها الا فالمناسبات


والاعياد ههههه

شـو أحلى مؤقف صـاار معك بالمدرسه وتتذكره ,.؟

تونا نقول مانبا نذكر الا بالمناسبات والاعياد ليـــــــش اذكرني ؟؟

الصراحه مافي مواقف حلوه اذكرها لاني ماكنت احبها

لـو عطوك تذكرة سفر وين بتسـافر وليش اخترت هالمكان ومنو بتاخذ وياك ؟

بسير فرنسا وباخذ وياي ماماتي واخترت المكان لاني سرته قبل وابا اسيره مره ثانيه

أوصف لي شخصيتك ؟

اممم انا اوصف شخصيتي ؟؟

يقولون دلوعه ومتكبره وغامضه مثل ماقالت قد الحب >> بس والله مايخصه

بطبعي حسااااسه زياده عن اللزوم واذا شي فخاطري اخليه فخاطري ونادر مااقوله

مااحب ارمس وايد بس احب اسمع واايد

شو هو مشروبك المفظل و أكلك المفظل ؟

فالوقت الحالي احب اشرب ماي اكثر عن اي شي ثاني اما الاكل فمافي شي محدد

في مره زعلتك ؟

هيه وااااااااااااااااااااااايد هههههههه استهبل


الله لا اييب الزعل بين حد ان شاء الله

انتهى الاختبار
وحصلت على 50 من 50
ممتاز وبارك الله فيكـ

اونه صدق اول مره الصراحه فتاريخي الدراسي لوووووول

لي الفخر ع هالدرجه

ايدي عورتني ابا هديه ؟؟>> استهبل

تسلم ع الموضوع