تسلم اخوي تايم ريس على طرحك للموضوع بس انا بقولك صدقني الحين الناس ماتسمع النصيحه ولا تعرف الصح من الغلط لو يبت وحده وقلتها انتي تحبين فلانه بتقول شو سويت انا شي غلط الا بنت شراتي احسن من احب اولاد البعض عشان مايرتكب شي غلط يعني تخون اهلها البنت ماتقدر تحب واحد تلجأ للبنت والبويات بزمنا زادو بشكل انت ما تتصوره كيف نحن البنات نعرف كيف هم والله البنت اللي تكون بنت عادي نستغرب منها انها بوي والبعض يتحسب ان العلاقه بين بنت وبنت علاقه عاديه ومش محرمه مثل ان البنت تحب بنت وعادي تكون علاقه جنسيه معاها ويقص عليهم الشيطان بس هي بالها ان هالعلاقه حلال لان ما كانت ويا واحد انا طبعا ما اعم اخص...

صدقني يا تايم الكلام في هالزمن ما منه فايده غير والله غير قبل امهاتنا كانو متشددين عليهم الحين وين الكل ما خذ راحته ويسوي اللي يبيه

للعلم نسبه البويات اكثر في الزواج من البنات الطبيعيات والبويه تظل بوي حتى وهي معرسه والله عندنا بنات انا استغرب منهم وكيف ازواجهم راضين عليهم بوي وعندها عيال وريلها عادي بي البوي تقول انا اتخسي اربي بنتي انها تكون بوي يعني انتي يوم تعرفين اللي تسوينه غلط ليش يعني انتي تمارسين هالشي

انا اتوقع ان اغلب الناس تفتقد الحب والاحلام الورديه وغيرها من الكلام المعسول بس اللي استغرب منه كيف ولد يحب ولد ويتغزل فيه يعني تدخل فكره البنت بس الولد كيف ونحن بدينا الرجال هم كل شي يعني بعد يا تايم ترضى بنت تاخذ واحد كان يحب واحد قبل غييير والله بس الحين وزمنا هذا اتوقع كل شي يصير الدنيا تغيرت والله يعين اذا اجيالنا جيه يسون عيل الاجيال اللي بعدنا شو بيطلع منهم


العيب فينا نحن ونشوف الخطا بس ما نبي نغيره ونستمر فيه با اعتقادنا ان هو الصح ومايهمنا راي اي احد والكل يبي يفرض رايه ويكون هو الصح ومايتقبل اي نصيحه...


تقبل مروري والسموحه ع الاطاله