السلام عليكم ورحمة الله وبركاته ..
مراحب اخوي قايـد الغـزلان .. مشكور على الموضوع .. والله يعطيك الف عافيـة صراحهـ .. احس اني في استجواب هب اسئلـه خخخخخ .. ولكـن فالك طيب بنجاوب على الأسئلـه .. وعليكم السلام ورحمة الله وبركاته
شو رايك بمجـالس الرمس الحوارية . بصراحه لاتجامل ؟
منتدى روعه صراحه صار يستقطب الاعضاء من جميع الانحاء وليس ابناء الرمس فقط .. والف شكر لبو ناصر على هذا المنتدى الرائع .. وجميع المشرفين والادارة والاعضاء ..
ماسبب اختياارك لنكـك ؟
سبب اختياري للنكـ سر لا افصـح عنهـ مهمـا صـار .. الا اذا جار الزمن علي في يوم من الايـام وخبرت عن سبب اختياري للنكـ .. وخصوصا الرقم 17 ...
أسمك الحقيقي:
اتركهـ للتــاويـــل .. ( باب التخمينـات مفتوح )
العمر:
21 سنــة .. وقريب ادخل الـ 22 سنـة ..
الحالة الاجتماعية :
اعزب ...
ماهي نقطة ضعفك ؟
لا شفـت طفـل يصيح من ظلم .. او كبير فالسن يصرخ من الم او ظلـم .. والشي الثاني لا طلبني شخص عزيز ما اقدر ارده مهما كانت العواقب .. ( لانه ما يرد الكريم الا اللئيـــــم )
شو يلقبونك يوم صغير؟
والله تبـا الصراحه ما اذكر الا ها اللقب النقزه .. كنـت اناقز وايد فالبيت وما ايلس فمكان واحد ...
اشياء تأخذ من وقتك الكثير ؟
وقتي مفتوح لا مجـال .. ( المباريات - النــت - المنتديات - التصميم - الحواطه مرات ) ,,, ( واكثر شي ماخذ وقتي ( AC Milan ) والتلفون ..
بيت قصيد تحب تردده على لسانك ؟
المشكله لا جات حاجتك بيدين البخيـل .. ما يفكك لين تدفع كثر ما تدفعه ..
والمشكله لا ضاق بالزمن رجل ثقيـل .. يطلب زمانه وعيا زمانه ينفعه ..
حينما تغضب ماهي ردة الفعل التي تقوم بها دااائماً ؟
انا الصراحه مرات قليله الي امسك فيهـا نفسي .. واول ردة فعل اني على طول بضارب .. وما عرف ليش دوم جيه .. بس يقول الرسول ( ليس الشديد بالصرعه وانما الشديد الذي يملك نفسه عند الغضب ) .. والحين ملتزم بها الحديث والحمد الله .. من دخلت العشرين ..
تلبس نظاره ولا ؟ ((متعقد الأخ))
لا ما البس .. نظري 6/6 .. واذا متعقد من النظارة يا قايـد .. نصيحتي لكـ عملية انتراليزك .. اخوي سواها بدبي والحين استوا صقر .. من بعيد يقنص ويشوف .. عملية مدتها 15 دقيقة لا الم لا تعب لا جراحه لا مشرط ..
بكلمة او كلمتين ماذا تعني لك هذه العبارات ؟
* الحزن
دفتــر اقــلام القصيـــد ..
* الحب
" اكبر قهـر لا ضاع عمرك في شخص تبي غلاه .. وطلع يحب انسان ثاني "
* السعادة
مفتـــاح القلـوب ..
* الانانية
عادة سيئة ويجب التخلص منهـا ..
بكلمة او كلمتين فقط ما رايك بالاعضاء التاليين ؟
* بوناصر :: قائد المنتدى .. طيب واخلاق ::
* قلم رصاص :: مشرف مميز له بصمته واسلوبه الراقي ::
* عاشق الرمس :: مشرف مميـز لم احتك به ::
* بومريم :: اول مره اسمع فيه ::
* سري للغاية :: من اميز الاعضاء بالمنتدى .. اسلوبه راقي ومواضيع بدرجة امتياز ::
* الامبراطور الرمساوي :: اول مره اسمع فيه صراحهـ ::
* أم دحماني :: مشرفه مميـزة وتستحق الاشادة ::
* انــــا احم احم :: اول مره اسمع بها النكـ صراحه ::
, > ههههههه قايد سويت لك هااا .. الله يهديك اكتب قايد الغزلان .. حسبالي اسم عضو جيه .. لا والله انت ما شاء الله عليك اسلوب راقي وتستاهل الاشراف .. ومرات تضحك يا قايد ومرات تعصب وردودك قوية .. والله يوفقك ان شاء الله < ,
تعددت طرق وأساليب الحوار فهل تعتقد ان الأنترنت هو الوسيله الأفضل للحوار ؟
الحقيقة الانترنت وسيلة من الوسائل .. وانا الصراحه من عشاق الحوار على المنتديات خصوصا المنتديات اللي تخص الرياضه .. يعني منتدى كامل رياضي .. مافي اقسام غيره .. وفي وسائل اخرى ولكـن يبقى النت له روعته ...
وهل هناك ثمرة تجنى من وراء هذه الحوارات ؟
والله تبي الصراحه نجني ثمار الحوارات انك تحتك بناس .. وتحاورهم وتاخذ منهم الصح من الغلط .. وما انكر انه في اشياء سلبية .. خصوصا انه في ناس يحاورونك لا ادله لا براهين لا غيره... بس همهم الوحيد انهم يسكتونك وها اكبر غلطـ ...
شنو هوالشي اللي تتمنى تشوفه في المنتدى وشايف انه صعب يتحقق ؟
الصراحه يوجد هناك الكثير من المميزيـن غادورا المنتدى ولا اعلم ماسبب هذه المغادرة .. واتمنى انه ينصب الاهتمام في الاعضاء المتميزيين الموجودين حاليـا من خلال تحفيزهم .. ونخليهم يبدعون اكثر واكثر .. والصراحه يجب فتح باب الاقتراحات للجميـع ونبي فكرة على فكرة حتى يتحقق النجاح الكبير والشامل .. يقال انه الوصول الى القمة سهـل ولكـن المحافظه عليهـا قمة في الصعوبـه .. اتمنى التوفيق للمنتدى ..
لو أعطيتك فرصة لأن تحقق أمنية واحدة من أمنياتك ,, ما هي هذه الامنية ؟
اولا امنيتي الخالدة ( ان تدخلني ربي الجنـة هذا اقصى ما اتمنـى ) .. ولكن امنيـة الحياة اني اكمـل الماجستير .. وان شاء الله تتحق .. واحصل اقرب فرصة واكمل دراستي ...
شخص لاترفض له طلبا (يمكن انا) ؟
انت عزيز وغالي .. واطلب ولا يردك الا لسانك .. ولكن امي وابوي هم من الناس الذي لا نرفض لهم طلب .. وخصوصا انه تقول لهم اف كبيرة عند الله .. كيف لو رفضنـا طلباتهم ... ويوجد هنـاك شخص اخر ( اتركهـا للغيب ) ..
ماهي التجربه التي تتمنى تكرارها ؟
الدراسـه في نفس الولايه ونفس الجامعه .. ونفس المدرسين والسكن مع نفس العائلة اللي سكنت معاهم ساقـا .. .. والله اتمنى هذا الشي من كل قلبي ..
ما هي الاقتراحات التي ترغب بتحقيقها في مجالس الرمس الحواريه كي تزيد الفعاليه والنشاط بالمنتدى ؟
الصراحه يوجد هناك الكثير من المميزيـن غادورا المنتدى ولا اعلم ماسبب هذه المغادرة .. واتمنى انه ينصب الاهتمام في الاعضاء المتميزيين الموجودين حاليـا من خلال تحفيزهم .. ونخليهم يبدعون اكثر واكثر .. والصراحه يجب فتح باب الاقتراحات للجميـع ونبي فكرة على فكرة حتى يتحقق النجاح الكبير والشامل .. وزيادة فاعلية بعض المشرفين .. حتى يبدعوا اكثر واكثر ونشوف طاقاتهم .. وانا من رايي انه عمل مقارنه بين عمل مشرفين .. من حيث الدرجات .. حتى يكون هناك تنافس ... يقال انه الوصول الى القمة سهـل ولكـن المحافظه عليهـا قمة في الصعوبـه .. اتمنى التوفيق للمنتدى ..
اكثر عضو تميل له (أقصد دايما تتابع مواضيعه) ؟
الحقيقة يوجد هناك اكثر من عضو ( ولكن ابرزهم قـد الحب - سري للغايـة - شمامي ) ..
عضو يعجبك نك نيمه ؟
قـد الحـب - سري للغايـة - قلم رصاص - ياليت للحب قاضي - ليش انـا - نقاط وحروف
عضو يعجبك اسلوبه فالكتابه ؟
سري للغــايـة ..
اذكر كم عضو وعضوه ؟ وقول لي احسن صفه يتميزون فيها ؟
سري للغايـة > قوة في النقاش والمحاورة .. واسلوب جميـل للرد على الاعضاء ..
قد الحـب > مواضيع مميـزة .. يعني مواضيع ما تيي من فراغ ..
شمـامي > الصراحه مواضيـع الطبخ اللي تحطهـا انا وايد اتابعهـا ..
ماجد > مواضيع البرمجـة والداون لود وغيره ... الخ
اجمل صوت قارئ ( للقران الكريم ) ؟
توجد اصوات كثيرة .. > ولكـن يبقى ماهر المعيقلي من اميز القراء بالنسبة لي ..
لو افترضنا انك مسوي عزيمه ,, منو بتعزم ؟ طبعا انا اول واحد ولا ؟
الصراحه مابي اميز حد وانسى حد .. >> بكتب الدعوة عامه بموضوع منفرد لجميـع الاعضاء والادراة والمشرفين .. واول واحد ابيي قايد الغزلان .. بس بدون كيمرته .. خخخخخ
سـؤال خاطرك تسأله لعضو , منو هالعضو , وشو السؤال ؟
قايـد الغزلان > هل انت عصبي ؟ وهل شخصيتك هي نفسها اللي فالمنتدى .؟
سري للغايه > هل تركت المنتدى ام ماذا ؟ سؤال يبحث عن اجابة ؟
قد الحب > الى متى غياب مواضيعك المميزة ؟ ومتى يرجع التفاعل ؟ الذي عرفناج فيه سابقا ؟
كل عضو غايب > متى ترجعون ؟
يقولون انك من النوع الي تزعل بسرعه , صحيح هالكلام (يقولون انا مايخصني) ؟
انا نادر ماازعل ولكن مرات ازعل لانه الشخص يكرر اغلاطه مرتين وثلاث واربع .. لذلك يكون الزعل ..
تحس انك مشهور, والناس تطالعك ؟
لا ما يخصني فحد انا انسان على قد حالي .. لا ابحث عن الشهر والاضواء ..
ما أصعب شي في حياة الرجل من وجهة نظرك ؟
الدموع على فراق زوجته او احد اطفاله او ابناءه الكبار ..
بسألك .. انت الحين قاعد تجاوبني بصراحه ولا تجاملني ؟؟
مافي مجال للمجامله .. انا اجاوب من كل قلبي بقمة الصراحه ...
اذا تقـدر تحذف شي من حيـاتك ,. شـوو بيكـون.,؟
كل ذكـــــــرى أليمـــــــة ...
شـو أحلى مؤقف صـاار معك بالمدرسه وتتذكره ,.؟
وايد مواقف صراحهـ .. احلى موقف طالع الاول على مستوى راس الخيمة بالركض .. وكرموني فالمنطقة التعليمية ... وبالمدرسه بعد ..
لـو عطوك تذكرة سفر وين بتسـافر وليش اخترت هالمكان ومنو بتاخذ وياك ؟
بسافر الى سويسرا والنمسا > اخترت ها المكان اولا الوالده الله يطول بعمرها تبي تروح .. والشي الثاني نسيبي رايح ويا اختي والصور اللي مصورينها ودك من اليوم تروح وما ترد ..
أوصف لي شخصيتك ؟
انا الصراحه بقولك المشكله العصبية ضاربه حدها عندي .. ولكن مرات ضحك وسوالف لدرجة الجنون .. والعصبية تراها مو وايد الا تخص الكورة وجيه ومرات الربع يفولون فيي .. وانا ماحب حد يرمس عن الفرق اللي اشجعها خصوصا الميلان والمان خخخ ... اما حياتي العامة عادية جدا وكلها وناسة وسعادة والحمد الله ولا نشكي اي عظيله ...
شو هو مشروبك المفظل و أكلك المفظل ؟
مشروبي المفضل الصراحه ( البيبسي ) بدون منازع .. ومن بعده الباربيكـان خليك شبابي .. واكلتي المفضله معكرونه بالبشميل .. و بيتزا خضرة ...
في مره زعلتك ؟
لا والله ولا مره زعلتني .. والله لا ييب الزعل ان شاء الله ..
.. " في النهايـة مشكور على الموضوع الروعه والله صار لي ساعه اكتب الاجوبة ولا فوق هذا امتسح ورديت اكتبه مرة ثانية .. بس عشان ارد .. " ..
نتريا جديد المواضيــع منك .. ولا تحرمنـا منها ..
حمودي 17
رد مع اقتباس
المشاركة الأصلية كتبت بواسطة حمودي 17
رد: عندكے مقابلهے :: (اسئلهے منوعهے)
