ايهما تفظل بنت الرمس ام الاخرى

[مراهق]

السلام عليكم ورحمة الله وبركاتة

الموضوع وايد مهم
في اعتقادي هذا نصيب وبالعكس كثير من شباب الرمس ياخذون من بنات الرمس

ساتطرق لمسألة المهر

المهر في الرمس مرتفع ولكن ليس بشكل كبير وما اعتقد هو السبب الرئيسي لعزوف الشباب

مثلا في دبي والشارقة، المهور ليست بالمرتفعة مقارنة بالرمس ( فقط في بعض العوائل تكون مرتفعة ) انا مثلا عندي ربعي 4 من دبي و 2 من الشارجة وتزوجوا ماشالله عليهم ومهورهم اقل من الرمس ولكن صالات الأعراس يكون سعرها مرتفع ولكن عندهم الأختيارات متاحة.

في نظري من اسباب عزوف الشباب هو تدخل اهل العروس في كثير من الشؤون المتعلقة بالمعرس وطبعاً المعرس طبعاً ما يبغي يحط نفسة في هالمتاهات ( مجرد رأي )

كل بنات الرمس ما عليهم كلام ولكن الأهل لهم دور كبير في رفض او قبول المتقدم للزواج وهذا ولد فلان وما نباه

تحياتي

[L A W Y E R]

السلـآم عليكم و رحمـة اللـه و بركآتـه . .

موضـوع حلو الصرآحـه . . !

صـح اني صغيرهـ و بعيدهـ عن سن الزوآج . .

و لكن أبغي أرد ^^

ايهما تفضلين إبن مدينتك / إبن جار مدينتك ؟؟؟ وما السبب؟؟؟؟

في البدآية . . صح انه السآلفة نصيب . . بس أنـآ عني أفضـل ولد مدينتـي . . و لو يكـون رمسـآوي بعد هذآ خيـر و بركة . . عيـآل الرمس شو نآقصنهـم ترى ؟ ريآييـل و حشـآم و خلوقيـن !

أستغرب من بعض البنآت يوم يقولون مآ نبـآ من الرمس . . !!

و اللـه صدقوني مآ بتحصلون أحسن عن عيـآل الرمس . .

و سآلفة مشآكل و مـآ مشآكل أشوف انـه مبآلغ فيهـآ اشويـه !

يعني أول شي ،، البنت و على حسب تربية أهلهـآ . .

يعني لو علموهـآ ع الوشآية . . فأكيد بتروح اتخبر أهلهـآ لو ريلهـآ سوى شي خخ . .

و مهمـآ بلغت المشآكل من حجـم ،، أنـآ أفضـل اني مـآ أدخل أهلي و لـآ اهلـه بالسآلفة . .

مشآكلنـآ لنـآ بروحنـآ اشعنـه اندخل الأهـل و بالغرب ؟؟

مثل مآ نحن سوينآهآ انحلهـآ . . !

و لو عن سآلفة المهر ،، هذآ شي رآجع للأهـل ،،

يعني الأهـل هم الي يحددونـه هب البنت نفسهـآ ،، الـآ في حآلآت نآدرة طبعـاً . . !

و أشكرك أخويه ع الطرح المميـز ~

لـآ هآنـك الرب . . !

[غالية]

الصراحة أنا أفضل انه يكون من برع الرمس
و صح سالفة النظرة الشرعية... أعرف ناس يوم طلبوا النظرة الشرعية "أهل البنت" و إستوى.. ما كمل أسبوعين.. و انتهى الموضوع .. و كل واحد بصوب .. عسب أونه شافوا الموضوع منقود .. دام انه حلال في الدين و حق للطرفين .. ليش بعد؟؟
أنا استغرب من هاي الحساسيات اللي ما لها داعي
و بعد يوم يكون من برع الرمس على الأقل نفتك من الحساسيات اللي تستوي ما بين العايلات و بسبتها ناس ينظلمون
حتى إني نهيت كل صداقاتي مع بنات الرمس بسبب هاي السوالف

[@ وعـــد @]

لا اعتقد ان سبب العزوف هو المهر كما يقال .. فالمهور في الرمس تعتبر منخفضه مقارنة مع باقي مناطق راس الخيمة ( وانا شخصيا اعمل خارج مدينة الرمس ورأيت مدى البذخ في المهور وحفلات الزواج برأس الخيمة والتي لا تقارن بما هو موجود لدينا في مدينة الرمس).. هذا الى جانب وجود مساعدات من الاهل و صندوق الزواج فلا اعتقد ان يكون العائق هو المهر ..

النظرة الشرعية التي اشارت اليها الاخت loogin مهمة جدا ولولا أهميتها لما أوصى بها خير الخلق صلى الله عليه وسلم .. ولله الحمد هي موجودة ولكن قد تكون محدودة عند بعض العائلات ..

الزواج سواء من داخل الرمس او خارجها لا يهم .. المهم هو حسن الاختيار .. وهنا تأتي اهمية هذا الموضوع فاذا كان الزواج من داخل الرمس فمعرفة المتقدم للزواج وسلوكياته واخلاقه ستكون سهلة بطبيعة الحال لكونه من اهل الرمس ولكن اذا كان المتقدم من خارج الرمس فهنا تكمن الصعوبة في الوصول الى المعلومات الحقيقة عن هذا الرجل فللأسف البعض يمتدح أناسا لا يمتون للأخلاق بصله وبالتالي تكون عواقب هذا الزواج وخيمة على الفتاة ..

لذا على أي فتاة مقبلة على الزواج من خارج مدينتها التحري وبدقة عن اخلاقيات الشاب مع أهله وهي نقطة مهمة جدا قد يغفل عنها البعض .. وبالتالي اخلاقياته مع عموم الناس ..


الخلاصة : الزواج استخارة واستشارة وتوفيق من الله ...


دمتم بحفظ الله ورعايته ..

[Countryside]

من وجهة نظري الشخصية..


هذا الموضوع لا يسمى بـ " ظاهرة "

و ثانيا .. سكان الرمس في ازدياد و انتشار .. وكل واحد من حقه يسوي اللي يبا ..
و اصلا اهالينا و أجدادنا متخالطين من زمان
يعني منو ما عنده واحد من اهله ماخذ من برع
او وحده ماخذنها من برع

وهذا إما انه نصيب .. أو رغبة شخصية

و أغلب الرياييل اللي اسمع عنهم متزوجين من غير مدينتنا .. سببه انه لقا شريكة حياته في غير هالمكان
يعني نصيبه


و بعدين هالبنات اللي واصله اعمارهم فوق الـ 30 و ما تقدم لهم اللي يناسبهم من الرمس ..
يمكن يلقون نصيبهم في مكان ثاني
ما من دابة على الارض إلى على الله رزقها


و نسبة اللي ياخذون من الرمس واضح انها اكبر


و كل واحد ينام عالجمب اللي يريحه .... طبعاً إذا ما ضر غيره بهالشي


لكن مب انه يوم الشباب بياخذون من برع البنات بيعنسون ..
مثل هالموضوع ما ينأخذ كأنه "مسأله حسابية"

[البوس]

ثانكس اختي على هذا الموضوووووووووووووع




الصراااااااااااحه انا ما عرف من ويييييين ازوج
لان بنات هذا الزمن شرووطهم لاتعد ولا تحصى الله يعين الجميع

[الفتى الحزين]

بالنسبه لي اتمنى واتمنى ان يكون في طلب المهر يكون 80 الف يعني الريال يعطي اهل الزوجه 100 االف ويقول لهم ان المهر 80 الف والباقي يعني 20 الف الزهبه ( الملابس والذهب الخخخخخخ) ويوم التلبيسه اتمنى من الزوج بس حده طقمين ذهب اذا قدر الحال ولا يكون بطران وايد واذا شاف نفسه انه قادر على المصاريف تراه فيه ناس على قد حالهم
و في النهايه
الزوج يدور على زوجه يستر عليها و يخاف من طريق الحرام وكذالك الزوجه
والسمـــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــو حه هذا وجه نظـــــــــــــــــــــــــــــــــــــري

[المدني]

(نصيبك بيصيبك)

وانا ما قلت شي جديد

لانه الموضوع لا يؤهل للجديد

واتمنى انك تختار موضوع فيه فائده

للمجتمع أكثر من هذا والسموحه هذه وجة نظري

[بو مريم]

^ ^ ^ ^

اذا الموضوع مو مهم عندك عند غيرك مهم


ونته مو مجبور تقرا الموضوع وترد عليه

عايبنك عايبنك ما عايبنك كيفك

فى الاخير وجه نظرك لا تودى ولا تيب

[مزايين الرمس]

[align=center]
بسم الله الرحمن الرحيم
[/align]
الموضوع مهم جدا ومب خطا انا نناقشه بشفافيه ووضوح . مو نمنع هالشي واكيد هذا قسمة ونصيب ولكن لتكون الامور واضحه امام البنات والشباب .

شبابنا والنعم فيهم وسبعة انعام . وبناتنا بعد ما عليهن قصور .

موضوع المهر ........ كما ذكر اكثر من عضو الرمس من اقل الامارات في المهر والتشرط نحن مهر وزهبة واذا حبوا حفلة ملجة وعرس تعالوا للامارات الثانية ........ مهر وملجة وزهبة والذهب عليه وطقم لامها ولاخواتها وحفلة حنه وحفلات ثانية وبالاخير العرس .
والشي الثاني اخوي واختي ......... مو اتفقتوا على المهر وملجت اعتقد الريال الحكيم والحرمه العاقله يرتبون امورهم على ما يناسبهم . وما ينساقون ورى اللي يبغيه الناس . واذا كان واحد مب فاهمنها الثاني يرتبها . بامكانك تتفاهم مع زوجتك ترى ما ابغ وايد ثياب لانج بتفصلين عقب . اختاري اطقم حلوه وبسيطه للطلعات والمناسبات ومب لازم ذهب ثقيل مثل اول . الاخ مب لازم تتكلف بالزينه وحفلة العرس .... ومب لازم الفرق البركة والخير مب في الاغاني . يعني باختصار يرتبون عمرهم بروحهم لانها حياتهم هم . منوا بيتاثر بالديون وغيره والحين وايد اشوف عائلات الله يحفظهم يدورون الريال مو الفلوس ويقولون ما بنثقل عليهم لان اللي بيعاني في الاخير هي بنتنا شو فايدة الخجة بالاول وبالاخير يتعبون.

الشي الثاني بنت البلاد وولد البلاد خير وبركه
تعرف منو تسال عنه او عنها . تعرف عوايدكم . تحفظك وتراعيك قربت ولا بعدت واهلك اهلها واهلها اهلك لانا عيال الرمس اهل وقرايب . لكن الغريبه او الغريب مهما كان غريب صح في منهم احسن من القريب لكن بعد لو رحنا بعيد وصار انفصال او موت العيال شو بيكون امرهم مشتت بين الامارات .
والله في شباب او بنات ياخذون غرب بعدين يتندمون والعيال يتغربلون .

وبالاخير حلاة الثوب رقعة من وفيه .