ماهو برأيك أصعب ألم ..ولماذا

[قلپ حسآس]

ماهو برأيك أصعب الم؟! ولماذا؟!

جرح الصديق






جرح الاهل








جرح الحبيب

[موت و ميلآد]

مع احترامي لكل اصدقائي وحبايبي (وااايد احبكم لابعد الحدود لكن جروحكم بسيطه)
الا ان جرح الاهل(أمي + ابويه مب باجي الارحام )اصعب الم
واااااااابويه شويستوي فيني اذا امي ولا ابويه مضايجين مني او قالولي شي يزعل
والله والله مابالغ تسود الدنيا ،،،فرق عن ضيجت المجتمع الخارجي فرق السما والارض
ياربي كيف احس اني متشلله واتم شي كاتم عصدري بس اشوف نظراتهم
شي مرعب ماحب ازعلهم لانه ينرد علي انا سلبيا ،مايهمني غير رضاهم علي فالدنيا الله يطول فعمركم ،،،محلى ترحيبهم لي وانا راده البيت
وداخله عليهم يشرح الخاطر وبسمتهم اتخليج تنسين الم الربع والحبايب وطوايف الناس كلها

*جرح الخوات والاخوان اممم عادي ماياثر وايد مردهم يرضون وارضى ،واشمل معاهم جرح الصديق
يعني عفا الله عما سلف غالبا ،،، لان نادر مايوجد صديق بمعنى الكلمه

[دلاال]

أنا برتبها

1- جرح الحبيب
2- جرح الأهل
3-جرح الاصدقاء

[علي غالب]

جرح الصديق اصعب شي لأنه سندك في امور محد يعرفها يعني هو خليلك
اما الاهل فالظفر مايطلع من اللحم
( واخفض جناحك للأقارب كلهم واسمح لهم ان أخطؤا )

اما الحبيب فلابد من الفرح والترح والجرح والمرح وكلها بهارات الحب

[بن سليم]

مساااااااااء الورد

أنا أرى بأن جرح الأهل يكون غااائر ويأثر في النفس أكثر ، لأن الصديق بجرحه ممكن يكشف سوء نواياه والحبيب ممكن يظهر على حقيقته بجرحه وممكن يتعوض الاثنين أما جرح الأهل يكون من أقرب الناس فمهما نسااامح ما راح ننسى ....وهذي مجرد وجهة نظر
دمت بود .......

[الوسواس@@]

جرح الاهل

[bo7mo0od]

بسم الله الرحمن الرحيم

السلام عليكم ورحمة الله وبركاته

شكرا على الطرح باعتقادي جرح الاهل او ظلمهم هو اصعب شي

بالنسبه لي والله لا قال الحمدلله الله يخليهم لي ان شاء الله.

على قولة الشاعر:

وظلم ذوي القربى اشد مضاضة

على المرء من وقع الحسام المهند.

[Purple]

أوافق أخواني الراي .. لا يوجد هناك اشد وقعا على النفس من جرح الأهل
فندرة الصديق والحبيب الوفي تجعل جرحه اقل وقعا على النفس

كما قيل ..
( من السهل أن تضحي من أجل أحد .. لكن .. من الصعب ان تجد الذي يستحق التضحية )

[&أحلى pŕĭňČěšŝღ]

وأنا بعد أوافق أخواني في الرأي...

ومشكورة خيتوا ع الطرح الرائع...