1.هل كنتي تطلعين كشه و حافيه في الفريج؟!!
خخ.. هي بس مرات..
2.هل كنتي تلعبين مع أولاد الفريج؟!!
هي .. اذكر واحد اسمه (( حمود))
3.هل كنتي تسرقين اللبان من الدكان؟!!
لا..حشى علي..

4.هل كنت تيمعين ريالاتج إنتي و بنات الفريج و تسوون حفله كل يمعه؟!!
لا..

5.هل كنتي تلبسين شيله أونج كبرتي؟!!
انا ابا البس بس ما يخلوني.. و عاد يوم اشرد و محد يدري عني هي البس..

6.هل كنتي تثلجين الفيمتو و تبيعينه بنص لعيال الفريج؟!!
كنت اثلجه.. بس اوزعه ببلاش..

7.هل كنتي تلقطين النثوور بالأعراس؟!!
هي هجووم... بس بعدين امي قالت لي عيب..من هاكـ اليوم خلاص تبت..
8.هل كنتي إتمين بثياب المدرسه لين المغرب؟!!
لا..

9.هل كان السبوح و التمشيط مقتصر على يوم اليمعه؟!!
لا... كل يوووم..

10.هل كنتي ترووحين المدرسه مجبوورة؟!!
كنت هي.. بس بعدين انهزبت هزبة محترمة..خخ.. من هاكـ اليوم انط المدرسة صاروخ..

11.هل كنتي تردين من المدرسه بثياب الرياضه؟!!
هيي..


12 هل كانوا يرشون شعرج بفليت!!
ما ادري..

13هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!!
هي كانوا يسرقون وااايد..

14 هل كنتي تستحين تركبين موتر أبوج ((بيك أب )) !!
لاا..